Shah jied u MDC ka Mawkhar-Pynthorumkhrah kum u Chairman
Shillong, Rymphang 26 : Ka Voice of the People Party (VPP) kala jied ia u MDC ka Langkyrdem-Laitkroh Bah Shemborlang Rynjah ban shimti kum u Chief Executive Member (CEM) ba thymmai ka Khasi Hills Autonomous District Council (KHADC).
Ki 29 ngut ki MDC ba thymmai ka KHADC kin bam smai ha ka 27 tarik Rymphang. Ka elekshon ban jied ia u CEM bad ia u Chairman ka Council kan long ha ka 28 tarik Rymphang.
Ka VPP kaba la shong jingialang, kala rai ban jied ia u Bah Shemborlang Rynjah ban iakhun ia ka elekshon sha ka shuki CEM bad ia u MDC ka Mawkhar-Pyntborumkhrah Bah Strong Pillar Kharjana ban iakhun ia ka elekshon Chairman ka Council.
Ka la jied ruh ia u MDC ka Mawhati Bah Kynjohlang Rangtong ban iakhun ia ka elekshon Vice Chairman ka Council.
Ka la jied ruh ia ki 7 ngut ki MDC ki ban bat ia ka shuki Executive Member (EM) jong ka Executive Committee kiba kynthup:-
1. Powell Sohkhlet –MDC ka Pariong-Mawthadraishan
2. Seiborlang Warbah – MDC ka Mawkynrew
3. Isnei Hinge – MDC ka Umroi
4. Pynkhraw Kharjahrin – MDC ka Mawkyrwat
5. Aibandaplin L. Nonglait –MDC ka Mylliem
6. Deiti Majaw _ Malki Laitumkhrah
7. Winston Tony Lyngdoh – MDC ka Nongthymmai
 kala jied ia u MDC ka Langkyrdem-Laitkroh Bah Shemborlang Rynjah ban shimti kum u Chief Executive Member (CEM) ba thymmai ka Khasi Hills Autonomous District Council (KHADC).){kind=link}