Shillong, Naiwieng 07: Ka Rangdajied United FC ka ba dei ruh kawei naki kynhun ka Meghalaya ka ba la ju mih teng ban iakhun haka I-League, kala pynkhreh ban wan phai biang sha kane ka lympung I- League ka All India Football Federation (AIFF) hadien 10 snem tam.
Kum ka jingpynkhreh ban rung shaka I-League, kane ka Club kan sdang shwa daka jingshim bynta haka I-Leaque Third Division jong ka All India Football Federation (AIFF) ka ban sdang mynta u bnai.
Lah ban kdew baka Rangdajied kala iakhun haka I-League jong u snem 2013-14 hynrei kala mad noh ka jingthut haka lynti iaid namar ka kam License bad kiwei kiwei de.
Ban nang kyntiew bad ban nang pynkhlain iaka Club ka Rangdajied kala pynbna ba kala iateh bad ka ‘Meghalaya Tourism’ kum ka Sponsor jong ka Club.
U General Manager ka Rangdajied United ula pynpaw ka jingsngew skhme ba kane ka jingiateh bad ka Meghalaya Tourism kan nang pynkhlain shuh shuh iaka Club haka Third Division ban ioh rung shaka I-League.
Nalor ka ‘Meghalaya Tourism’ ka Rangdajied United FC kala iateh ruh bad ka PUMA naka bynta ki tiar phong ialehkai kiba kynsai bad kiba bha tam.
Pule lang ia kane: Manipur : Pyllait im ki shipai Assam Rifle ia ki Pulit Commando ba shah hiar thma
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
