Pynkhreh ka Nongpoh Elaka ban pynlong ia ka lehniam Shad Sajer ha Lum Kyntang

0
38
Pynkhreh ka Nongpoh Elaka ban pynlong ia ka lehniam Shad Sajer ha Lum Kyntang

Nongpoh, Rymphang 07: Ka Elaka Nongpoh Sirdarship hynne ka sngi Balang, ka la pynbna paidbah ba kan sa pynlong biang ïaka jingleh niam shad Sajer kaba ju pynlong man la u snem haka 23 tarik Lber, 2024 ha u Lum Wyrtoh.

Ïa kane la pynbna paidbah da u bah Pillarstone Syiem Nongshai u Sirdar jong ka Elaka Nongpoh Sirdarship hadien ka jingialang kaba la long haka shnong Pahamsyiem, kaba la wan ban ïa donlang da ki Lyngdoh bad ki Longsan Mynsan na ki 6 tylli ki raid.

Kine ki Raid kib kynthup ïaka Raid Nongkharai, Raid Nongpoh, Raid Nonglyngdoh, Raid Nongkhrah, Raid Sohkhwai bad Raid Nongkyrla.

Haba kren sha ki lad pathai khubor, u Sirdar u la ïathuh ba Kkne ka jinglehniam Shad Sajer ka dei ka jinglehniam jong u paid u hajar jong ka Eleka Nongpoh Sirdarship kaba ju pynlong man la u snem, ban pan ïaka kyrkhu kyrdoh na u Blei nongbuh nongthaw hadien ba u la theh shibun ki jingkyrkhu ha kine ki snem bala leit noh.

U la ong ruh ba ka Shad Sajer kadei ruh jinglehniam lehrukom khamtam eh ban pynneh ïaka riti ka dustur bad ka kolshor tynrai bala buh naduh u longshuwa manshuwa bad u mynbarim.

Ula pynpaw ruh ba ha kane ka snem kaba mynta, la pynbeit ba ïa kane ka Jinglehniam Shad Sajer yn pynlong ha u Lum Wyrtoh, ka jaka kaba hap hapoh u pud u sam jong jong ka Raid Nongpoh bad ïa kane ka Jinglehniam la shaniah haka Sajer Committee ban pynbit pynbiang ïaki jingdonkam baroh.