Kohima, Risaw 19 :Ka Jylla Nagaland kala iaid shakhmat ban pynkhreh na ka bynta ka jingpynlong ia ka tamasa ‘Hornbill Festival 2022.’
Mynta ka jingpynkhreh na ka bynta kane ka tamasa kala iaid shakhmat hapoh ka shnong kaba kaba la rim bah ha Kisama hajan ka nongbah Kohima ka Nagaland.Kane ka shnong kaba pawnam jong ki Naga ha Kisama ka deon kumba 12 kilomitar na Kohima.
Ia kane ka tamasa ‘Hornbill Festival’ kaba pawkhmat bha hapoh Nagaland yn rakhe ha ka rukom kaba kham i shongkun mynta ka snem hadien ar snem ba la hap ban pynsangeh ia kane ka tamasa.
Ia kane ka tamasa ‘Hornbill Festival’ jong ki Naga yn pynlong naduh ka 1 tarik haduh ka 10 tarik u Nohprah.
Kane ka tamasa hapoh Nagaland ia kaba ju pynlong man la ka snem ka dei ruh ka jinglehkem kaba pyniakynduh lang ia baroh ki jaidbynriew riewlum jong ka jylla Nagaland.
Kane ka jingpynlong ia kane ka tamasa ha kane ka kynti kaba mynta kan dei ruh ka sien kaba 23 naduh ba la sdang ban rakhe ia ka.
Shuh shuh kane ka tamasa ka dei ruh kaba pyni halor ka jingriewspah ha ka liang ka kolshor jong ka jylla Nagaland bad ki jaidbynriew riewlum ki jong ka.
