Shillong, Lber 18: Ka Meghalaya State Disaster Management Authority (MSDMA), lem bad bad ka National Disaster Management Authority (NDMA), kila pynlong ia ka State-Level Mock Exercise halor ka jingpynjulor u jumai ha State Convention Centre, Shillong.
Kane ka State-Level Mock Exercise ka long kum shi bynta ban ai jingtip bad pynsngewthuh ia ki paidbah ba kumno kin leh ban iada ia lade bad ban long kiba la pynkhreh ban lait na ki jingjia ba sngewsih.
Kane ka jingïalang ka la ailad ïa ki heh ophisar ban pyni nuksa bad ban kren halor ki buit ban iada lada wan kum kine ki jingjia ban lait na ka jingjia ba sngewsih.
Ha kane ka jingïalang la pyni online ruh ïa ka drill na ki 11 District ka Jylla bad ruh kaba pyni ia ka jingpynkhreh jong ki hala ki jong ki District. Ha kane ka jingialang la wan ïashim bynta da ki heh na ki tnad bapher bapher, kaba pyni ïa ka jingïatreilang ha ka jingpynkhreh bad jingïatreilang na ka bynta ki jingjia ba sngewsih.
U Sanjay Goyal u Commissioner & Secretary, Revenue & Disaster Management Department haba kren haka jingialang u la pynpaw ïa ka jingkyrmen ba lyngba kane kan ai ïa ki jingai jingmut bad jingshemphang kiba kordor ban kyntiew ïa ka jinglah jong ka jylla ban ïakhun pyrshah ïa ki jingjia ba sngewsih .
Shuh shuh u Goyal u la ban jur ba kane ka dei ka por kaba biang tam ban bishar bniah biang ïa ki jingtei, ban pynthikna ba la pyndonkam pura ïa ki, bad ban pynbha ïa ka jingïatreilang jong ki ban ïarap lada jia ka jingjia ba sngewsih.
U Lt. Gen. Syed Ata Hasnain (Retd.), uba dei u dkhot ka NDMA, New Delhi, u la kyntu ia ki heh sorkar ban bishar bniah ia ki mat kaba don 10 tylli kiba don ha ka website jong ka NDMA bad u la ban jur ruh ia ka jingdonkam jong ka jingsngewthuh ba tbit ha ka jingpyniaid ia ki jingjia ba sngewsih.
Ka kong M. War Nongbri kaba dei ka Commissioner & Secretary, Revenue & Disaster Management Department kaba dei ruh u Executive Director ka MSDMA, kala plie ïa jingkren pdiang bad kaba la ban jur ïa ka jingdonkam ban pynkhreh ïa ki jingjia ba sngewsih ha ka jylla
, lem bad bad ka National Disaster Management Authority (NDMA), kila pynlong ia ka State-Level Mock Exercise halor ka jingpynjulor u jumai ha State Convention Centre, Shillong.){kind=link}