Shillong, Nailar 31: U President jong ka Khasi Authors’ Society’s (KAS) u DR Nonglait, hynne ka sngi Palei ula pyntip ba ka synjuk kan pynlong iaka National Seminar halor ka ktien Khasi Language, ka thoh ka tar bad ka kolshor ha u Nailur ha YMCA, Delhi ia kaba yn wan ban iashimbynta da ki Riewstad bad ki Nonghikai Khasi.
Kitei kin iatai sani kumno ban kyntiew iaka ktien Khasi bad kumjuh ban pynjur iaka jingdawa na ka bynta ban kynthup noh iaka Ktien Khasi ha ka Eighth Schedule ne Khyrnit ba phra jong ka riti synshar ka ri.
U DR Nonglait ula ong, ba haduh mynta ka synjuk kam pat ju ioh pdiang ia kino kino ki jingai daw halor ka jingpynslem ban pynrung ia ka ktien Khasi haka Khyrnit ba phra.
“Ka Ministry of Home Affairs kala ai tang kawei ka daw ba ka Khasi ka dei kawei na ki 38 tylli ki ktien hapoh ka ri, ha kaba iaka jingdawa ka jongki la pynsahteng na ka bynta ban ai iaka jingmynjur. Ka Sorkar Pdeng ha kine ki snem kiba la dep, kam don ia ka jingthmu ban pynkylla iaka Eighth Schedule, nalor ka ktien Khasi lada ka don ruh sa ka jingdawa na kiwei pat ki jaidbynriew, kumtaka Sorkar Pdeng kan hap ban pynkylla iaka Eighth Schedule,” ula ong.
Pule lang ia kane: Kyntu ka VPP ia ki MLA ban pyntrei ia ki skhim haba shai bad ai kaiphod sha u paidbah
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
