Shillong, Nailar 26: Hadien ka jingwan thombor ki runar Bangladesh dang shen ha ki shnong khappud ka South West Khasi Hills District, ki bor pahara ba kynthup naduh ki shipai Border Security Force (BSF) bad ki Pulit ka jylla kila pynkhlain bha ia ka jingpahara ban wanrah ia ka jingshngain bad jingiada ia ki nongshongshnong ka thain.
Kane ka jingpynkhlain ia ka jingpahara ka kynthuh ia ka jingiaid pahara ha shilynter ki jaka khappud bad ka ri Bangladesh nalor ka jingpyndonkam ia ki kor kum ki light ha ka por mynmiet ban iohi lada don kiba thmu ban rung tuh sha u pud u sam ka ri India.
U Superintendent of Police ka SWKHD Bah Banrap Jyrwa u la pyntip ba ka Tnad Pulit kala buh ia artylli ki Anti Dacoity Camp (ADC) ha artylli ki shnong khappud-ha Khonjoy bad Rongdangai, ki ban iaid pahara ia ki jaka khappud.
U pyntip ba ia kine ki AD Camp la buh naduh ka 21 tarik Nailar bad ki Pulit kiba don ha kine ki AD Camp ki kynthup ia 10 ngut ha ka shnong Khonjoy bad 8 ngut ha ka shnong Rongdangai.
Halor ka Maheskhola, une u Heh Pulit u iathuh ba ka jingpahara mynta ia kane ka thain ka dei kaba la iapynlong lang hapdeng ki Pulit na SWKH bad ki Pulit ka South Garo Hills.
 bad ki Pulit ka jylla kila pynkhlain bha ia ka jingpahara ban wanrah ia ka jingshngain bad jingiada ia ki nongshongshnong ka thain.){kind=link}