Shillong, Iaiong 19 : Ka Sorkar Jylla kala nang pynjur ia ka jingpyrshang ban iatreilang bad ki kynhun bapher bapher ban pynkhlain ruh ia ka jingpahara ha Tolegre, South Garo Hills, hadien ka jingshah tuh ki shynrong (fossil) jong u mrad bala 35-40 million snem.
Ka kynhun na ka Geological Surver of India (GSI) mynta ka dang pynlong ia ka jingwad bniah ha kane ka jaka, kaba dang lah ban don ia bun ki shynrong.
Ka Sorkar Jylla kala don jingthmu ruh ban shna noh da ka museum ban iada bad pyni pyrthei ia kine ki jingshem.
U Myntri Sorkar bad MLA ka Rangra-Siju Rakkam A Sangma ula ong “Ka kynhun ka GSI kala don ha katei ka jaka, ki dang pynlong ia ka jingwad bniah bad la dep ithuh ym tang kawei, hynrei bun ki shynrong jong ki mrad bala jah rngai na kane ka pyrthei. Ka Sorkar ka don jingthmu ban shna noh da ka museum. Hap ban leh eei, ngan sa leit jngoh hi dalade ia kane ka jaka bad sa iakren bad ki kynhun bapher bapher”.
Kine ki shynrong kila shah tuh haba sdang jong une u snem ha ki briew kiba la leit prong jubor ha katei ka jaka bad kila khlong ia bun ki jaka.
Haba kylli halor ka jingiaid jong ka jingtohkit, u Rakkam ula ong “Ki Pulit kila pyniaid shakhmat ia ka kam bad ngi dang ap ia ka kaiphod”.
 jong u mrad bala 35-40 million snem.){kind=link}