Shillong, Jylliew 19: Ka Sorkar Jylla kala thaw thymmai biang ia ka Anti Narcotics Task Force (ANTF) ka ban treikam ruh kum ka State NCORD Secretariat, ban iakhun ia ka thma pyrshah ia u droks hapoh ka Jylla Meghalaya.
Ia kane ka kynhun (ANTF) yn khlieh da u Inspector General of Police (CID) kum u Chairman bad u Assistant Inspector General of Police (Re-Orgn) kum u Member Secretary bad Commissioner of Excise.
Kiwei pat ki dkhot ki kynthup ia u Deputy Inspector General of Police (Eastern Range), Shillong, Deputy Inspector General of Police (Western Range) Shillong, Superintendent of Police (CID) Shillong, ki Superintendent of Police ka East Khasi Hills, East Jaintia Hills bad West Jaintia Hills nalor u Incharge ka CELL-X(NDPS), CID Meghalaya.
Kane ka Anti Narcotics Task Force kan pynleit jingmut halor ki lai tylli ki thong kata ban shim ia ki sien jam jingiada pyrshah ia ka jingkhaii droks bad shim rai ban leh eiei bad ka jingleit tian bishar ia baroh kynthup ki nongdie droks, ki nongshalan bad nongpynpoi droks, ban pynlong ia ki jingialap paidbah pyrshah ia u droks bad ban pynioh ia ka jingiatreilang u paidbah ha ka jingiakhun pyrshah ia u droks nalor ban iatreilangbad kiwei ki kynhun/agency/tnad Sorkar na ka Jylla bad Sorkar Pdeng ban lah kynjoh ia ka thong bala buh ha ka rukom ka ban noh synniang sha ka thong ban pynlong ia ka Ri India kaba lait na u droks.
 ka ban treikam ruh kum ka State NCORD Secretariat, ban iakhun ia ka thma pyrshah ia u droks hapoh ka Jylla Meghalaya.){kind=link}