Shillong, Jylliew 06 : Ka jingshna pynbha bad pynkhlain ia ka Dam bad ka jingkieng Umiam kan dep noh ha ka taiew ba nyngkong jong u Nailar.
Haba iakren bad ki nongthoh khubor, u Myntri ka Tnad Bording AT Mondal ula ong “Ki kam kila iaid shaid shaid bad nga sngew skhem ba yn sa pyndep noh hapoh u Naitung lane taiew ba nyngkong u Nailar”.
U Mondal ula pyntip ba ia ki kali yn shah ban iaid lyngba ka jingkieng ha ka rukom iaid zigzag.
U Myntri u pyntip ba ka jingpyntrei ia kane ka dam bad ka jingkieng ka dei ka kam ba iashong bishar manla ka taiew.
Ha kajuh ka por, u Superintendent of Police ka East Khasi Hills, ula pyntip ba kan don ka jingkhang iaid kali mynta ka miet 6 tarik Jylliew naduh ka por 11 baje mynmiet haduh 1 baje mynstep na ka jingkieng Umiam.
La bthah ia ki nongniah kali ba kin pyndonkam da kiwei pat ki surok.
