Shillong, Nailur 30: Ka Sorkar Meghalaya ha ka sngi Ba-ar, ka la pynmih ka jingpynbna ba kongsan ha kaba ïadei bad ka Chief Minister’s Scholarship Scheme (CMSS) 2025 hadien ka jingwan shakhmat jong ki samla pule ban aplai ia ka scholarship.
Ka tnat Pule Puthi ka la pynshai ba ki samla pule kiba ïoh ïa ka CMSS kin dang ïai bteng ban ïoh ïa ka Post-Matric ST Scholarship bad kumjuh ruh ïa ki skhim bala mang kyrpang daka Sorkar Pdeng naka bynta ki samla pule.
Ia kane ka jingpynshai la pynmih ban pynthikna ia ki samla pule bad ki kmie ki kpa ba ka jingaplai ia ka CMSS kan ym khanglad ne pynduh ia kiwei pat ki jingmyntoi.
Haba khmih ia ka jingwan bha shakhmat jong ki samla pule ban aplai, ka Sorkar kala pynjlan ia ka tarik ba khatduh ban phah ia ki aplikeshon haduh ka 31 tarik u Risaw 2025.
Ka jingaplai jong ki samla pule ia ka CMSS ka la bun bha bad tang hapoh shibnai naduh ba pyllait ia ka, ka portal kala ioh pdiang ia palat 50,000 tylli ki aplikeshon na ki samla pule jong ki District bapher bapher ka Jylla Meghalaya.
Kane ka pyni ia ka jingpaw bha jong ka skhim bad ka jingdonkam ha kaba kyrshan ia ki jingangnud jong ki samla ban pule shaki kyrdan ba kham shalor.
Ka sorkar ka la kyntu ia baroh ki samla pule kiba dei hok naduh kiba pule ia ka kyrdan klas XI haduh ka Ph.D, kiba pule ha ki jaka pule ba la ithuh hapoh bad shabar jong ka Jylla Meghalaya, ban shim ia kane ka kabu bad ban aplai lyngba ka Meghalaya One portal hashwa ban kut ka por.
 2025 hadien ka jingwan shakhmat jong ki samla pule ban aplai ia ka scholarship.){kind=link}