Shillong, K’lyngkot 16 : Ka Sorkar Jylla kala pynjlan ia ka jingshakri jong u Superintendent Engineer K Wahlang ha ka Directorate of Urban Affairs, na ka bynta lai bnai.
Hadien ba pyniaid ia ka jingialang ka Kynhun Myntri hynne ka sngi Thohdieng, u Myntri Rangbah Conrad K Sangma ula ong “Kala don ka jingpynjlan ia ka jingshakri jong uwei u Superintendent Engineer ha ka Directorate of Urban Affairs na ka bynta laibnai. Ka jingshakri u Bah K Wahlang la pynjlan namar kiba bun ki project ba mynta kila treikam bad kan ktah ia ka jingtreikam kine ki project kiba la iaid”.
U Myntri Rangbah ula batai baka jingpynjlan ka dei kaba donkam na ka bynta ban pynthikna ia ka jingiaid beit iaid ryntih ka jingpyntreikam ia ki project kiba la sdang.
Ka Sorkar kala rai ruh ban aikam bad pynjlan ia ka jingshakri jong arngut ki Ophisar bala shongthait- Bah Robert Lyngdoh kum u Officer on Special Duty and Ex-Officio Secretary ka tnad Planning bad ha ka Meghalaya Age Limited lem bad u Bruce P Marak kum u Nongaibuit ka Meghalaya Integrated Transport Project, ka World Bank Project.
“Ngi la rai ban pynjlan ia ka jingshakri u Bah Robert Lyngdoh ….bad Bruce P Marak, kiba dei ki Chief Engineer bala shongthait” ong u Conrad.
