Shillong, Rymphang 12 : Ka Iingkashari Meghalaya High Court kala mynjur ban pynjlan ia ka jingaipor ba saw taiew ia ka Sorkar Jylla ba kan aiti ia ka kaiphod ba bniah halor ka jingithuh bad pynneh pynsah ia ki jingtei bala rim bha (heritage building), ki tiar hyndai bad ki jingtei ha ka Jylla.
Ka hukum, bala pynmih da ka Division Bench ba kynthup ia Chief Justice Revati Mohite Dere bad Justice W Diengdoh, ka bthah ia ka Heritage Committee ba kan aiti ia ka affidavit ba batai ia ki sien jam ba bniah, kiba la shim ban maramot bad pynneh pynsah ia ki jaka ba don ki jingtei bala rim, kumba bthah hapoh ka kyndon 3 jong ka Meghalaya Heritage Act, 2012.
Ka Iingkashari shuwa kane, kala pan ia ka kaiphod na ka Committee halor ka jinglong jingman jong ki jingtei kiba la rim bha bad ki khana ba ki don.
“Ia kane ka affidavit dei ban ai sha u Registry hapoh ka artaiew hadien ba dep ai sha u Amicus” ong ka Iingkashari ha ka hukum ba pynmih ha ka 11 tarik Rymphang.
Ia kane ka kam la buh ban bishar biang ha ka 11 tarik Lber, 2026.
, ki tiar hyndai bad ki jingtei ha ka Jylla.){kind=link}