Shillong, Nailar 07 : U District Magistrate ka Eastern West Khasi Hill District, bah G Kharwanlang IAS, ula pynjari ia ka kyndon 163 BNSS 2023 kaba khang bad mana pyrshah ia ka jingialum briew kaba palat ia ka 5 ngut ha ka por mynmiet hadien ka 11 baje mynmiet hapoh ka District.
Kat kum kane ka hukum, la khang ban rah ia ki tiar pynmynsaw ha ki jaka paidbah bad ban die ia ka petrol ne umphniang sharak ha ki kynja jok ne ki jarikan kaba lah ban pyndonkam ban shna ia ki tiar pynbthei ne petrol bomb.
Kino kino kiba ialeh pyrshah yn pynshitom ia ki katkum ki kyndon jong ka section 223 BNS Act 2023. La ong ba kane ka hukum kan treikam mardor tad haduh ynda pynbna da kumwei pat.
