Nongstoin, Rymphang 15 : Ka District Magistrate ka West Khasi Hills, kala pynjari ia ka kyndon 164 jong ka Bharatiya Nagarik Suraksha Sanhita (BNSS), kaba khang pyrshah ïa ka jingtih bad shalan dewiong beaiñ hapoh ka District.
Ïa kane ka hukum la pynmih namar ka jingbteng ban pynkheiñ ïa ki jingbthah ba la pynmih da ka National Green Tribunal bad ka Ïingkashari ba ha khlieh duh jong ka ri India.
Na ka liang ka Iingkashari Meghalaya (High Court of Meghalaya) ka la lap ba ka jingtih dewiong thliew khnai ka buh jingma kaba khraw ïa ka jingim briew, ka mariang bad ka jingsuk ha ka jingim paidbah.
Kumta halor ka jingpyndonkam ïa ka bor ba la pynkup katkum ka kyndon 163 BNSS, ka Hema Nayak District Magistrate ka West Khasi Hills District, ka la khang pyrshah ïa ka jingtih dewiong beaiñ hapoh u pud u sam jong ka West Khasi Hills District.
La khang pyrshah ruh ïa ka jingshalan ïa u dewiong ba la tih beaiñ hapoh ka district bad shabar ka district. Kano kano ka jingpynkheiñ ïa kane ka hukum kan khring ïa ka jingpynshitom katkum ki kyndon aiñ.
, kaba khang pyrshah ïa ka jingtih bad shalan dewiong beaiñ hapoh ka District.){kind=link}