Shillong, Lber 03: Ka ophis treikam District Magistrate jong ka Eastern West Khasi Hills hynne ka sngi kala pynbna syndon daka korhpiw miet ka ban sdang naduh 6 baje janmiet haduh 6 baje mynstep ha jan ki ophis sorkar ba kynthup ha Mawsawa, Sangshong, Umwichsup bad ha Mairang Mission.
Kane ka hukum pynjari korphiw miet kan sdang treikam naduh ka janmiet jong ka 3 tarik mynta u bnai haduh ban da pynbna da kumwei pat.
Kane ka jingpynjari korphiw kadei namar la suba ba ka lah ban mih ka jinghuri hura ha kine ki shnong hadien ka jingkhie bitar ki paidbah hadien ka jingdep pynbna iaka Resol ilekshon MLA kaba la sdang naduh ka janmiet jong ka 2 tarik mynta u bnai.
Ki bor district kila bteng biang ban pyntreikam iaka kyndon Section 144 Cr.P.C. kum shi bynta ban khanglad iaka jinglum paidbah ha kine ki thain jong kane ka district.
Lah ban kdew ha haka janmiet jong ka 2 tarik mynta u bnai, ki paidbah kila bitar hadien ba kim hun iaka Resol ilekshon MLA bad kila sdang ban kawang maw iaka ophis Deputy Commissioner (DC) Eastern West Khasi Hills bad ha kane ka jingiapyni bor san tylli ki kali kila shah thang.
