Shillong, Jylliew 23 : U Deputy Commissioner ka East Jaintia Hills, ula pynjari da ka kyndon 144 CrPC ba mana ia ki kali ban pynieng ha ka jingkieng jong ka surok NH-6 khamtam ha ki thain Lumshnong-Malidor namar kiba bun ki jingkieng ki dei kiba la shong synjor.
U Deputy Commissioner Abhilash Baranwal, ula pynmih ia kane ka hukum halor ka jingioh jingtip ba bun ki kali ha ka por ba twa khyndew, kila pynieng halor jong ki jingkieng ha ka surok NH-6 khamtam hapdeng ka Lumshnong-Malidor.
Ula ong ba kiba bun ki jingkieng ki dei kiba la donkam ban maramot bad kumta ka jingpynieng ia ki kali halor ki jingkieng, ka lah ban buh ha ka jingma ia ki kali bad wanrah ia ka jingjia ka ba sngewsih.
U DC ula pynmih ia kane ka hukum naduh ka 20 tarik Jylliew bad kan treikam tad haduh da pynmih da kawei pat ka hukum.
Pule lang ia kane: Mondal : Donkam ka Meghalaya ia ki Renewable Energy ban lah pyndap bording
