Shillong, Nailar 28 : Ki Pulit ka West Garo Hills kila lah ban pynioh ia ka jingpynsajia ia ki riew bymman bapher bapher ha ki 27 tylli ki case kam bymman pyrshah ia ki kynthei bad khynnah hapdeng u snem 2022 haduh 2025.
Ia kine ki riew runar la pynngat ha ka jingpynsajia da ka District Court kat kum ki kyndon bapher bapher ka IPC bad POCSO Act.
Napdeng kine ki 27 tylli ki case, 5 tylli la pynngat ha ka jingpynsajia ha u snem 2022, 4 tylli ha u 2023, 11 tylli ha u 2024 bad 8 tylli ha u 2025.
“Kane ka jingjop ka pyni ia ka jingaiti ba khlem kut, ka jingtrei hok bad ka jingtbit jongki Investigating Officer ka WGHD ha kaban pynthikna ba ia ka jingbishar ba hok sha ki lanot ki kam bymman bad ba ki nongleh bymman kin ngat hakhmat ka Ain” ong u AT Sangma, Superintendent of Police ka District ha ka sngi Palei.
