Ioh bat ia u bar Jylla ba ioh EPIC ba kha naduh u snem 1900
Nongstoin, Naitung 30 : Ka Khasi Students’ Union (KSU) West Khasi Hills, kala buh haduh 5 tylli ki jaka talasi mynder hapoh ka District, ban tehlakam ia ka jingwan rung ki mynder kiba shah kyndang na Assam bad kiwei kiwei ki bym don kot don sla kiba biang.
Kine ki jaka talasi ki kynthup ia kawei ha Shallang, Khatar Kilo, Umsohpieng, Jynruniangbrak bad ha Langdongdai.
Kane ka jingtalasi mynder jong ka KSU-WKH kala sdang naduh ka 29 tarik Naitung bad ka jingtalasi ka dei kaba la pynlong bad miet bad sngi ha baroh ki surok National Highway bad surok Shnong ban pynthikna ba ki mynder ri kin ym iohlad ban wan rung sha Jylla.
Kaba sngew thamula ha kane ka jingtalasi ka dei ka jingioh bat ka KSU ia uwei u bar jylla, uba pyni ia ka EPIC card ba la kha ia u ha u snem 1900-kaba mut ba ula dap 125 snem.
Ka KSU kala ioh ban bat ia bun ngut ki mynder kiba thmu ban wanrung sha Jylla khlem ki kot ki sla bad ia kine ki briew la pynphai pat sha Assam.
Ka KSU ka pyntip ba kane ka jingtalasi mynder hapoh ka District kan nang iai bteng man ka sngi.
Kala dawa jur ia ka Sorkar Jylla ba kan pyntreikam noh ia ka Inner Line Permit (ILP) hapoh ka Jylla khnang ba ki mynder bad ki briew ba nabar ka Jylla kin ym ioh rung laitlan hapoh u pud u sam ka Jylla.
 West Khasi Hills, kala buh haduh 5 tylli ki jaka talasi mynder hapoh ka District, ban tehlakam ia ka jingwan rung ki mynder kiba shah kyndang na Assam bad kiwei kiwei ki bym don kot don sla kiba biang.){kind=link}