Shillong, May 13: Ka Captain Williamson Sangma State University kala pynsangeh noh ia ka jingpyniasoh ne Affiliation bad ki 22 tylli ki College da kaba ai daw ba kila don ki jingthud kiba la mih na ki kyndon ain kiba la don lypa jong ka North-Eastern Hill University (NEHU).
U Registrar jongka Captain Williamson Sangma State University’ u Ambrose Ch Marak, ula pynmih ia ka jingpynbna sha ki Principal jong ki College kiba la shah ktah, da kaba pynpaw ba ka jingpynbna ka jingmynjur jong ka University ha ka 15 tarik u Iaiong na ka bynta ka samoi pule jong u snem 2025–26 la pynsangeh noh shwa mardor.
Ki tyllong khubor na ka sorkar jylla kila pynthikna ba ia katei ka rai la shim kadei na ka daw jong ka jingshisha ba kitei ki jaka pule kila neh ia ka jingpyniasoh bad ka NEHU kaba dei ka Central University. Katkum ka kyndon jong ka NEHU, ym lah ban pyniasoh bad artylli katkum ki Statute jong ka skulbah.
Ha ka notis, u Marak ula kdew ba ki kam na ka bynta ban pyllait noh na ka jingpyniasoh yn sa pyntip sha ki college.
Ka NEHU kala pynshai ba ka Governing Act ka mana tyngeh ia ki College ban pyniasoh palat ia ar tylli ki skulbah ha kajuh ka por.
.){kind=link}