Shillong, Lber 11 : Ka Iingkashari Meghalaya High Court ha ka sngi Ba-ar, kala pynduh ia ka jingpynbna ka Garo Hills Autonomous District Council (GHADC) ba pynlong kongsan ia ka syrnot Scheduled Tribe (ST) na ka bynta ki kyrtong, haba ong ba kane ka Executive Order ka iaid lait ia ki kyndon jong ki ain kiba hap ban bud.
Ha ka hukum, ka Iingkashari kaba khlieh da u Justice HS Thangkhiew kala pynksan ia u nongmudui Enamul Hoque, uba tynjuh pyrshah ia ka jingpynbna ba pynmih da u Chief Executive Member (CEM) ka GHADC myn ha ka 17 tarik Rymphang.
Ka Iingkashakri ka ong ba ka Executive Committee “kala jam palat ia u pud treikam lajong” bad ka jingpynbna “kam lah ban iaid lait ia ki jingbishar ain” namar ka jingpynkylla ia ka hok thep vote ka hap ban iaid lyngba ka District Council bad ioh iaka jingmynjur na u Lat hapoh ka Rule 72 jong ka Constitution of District Council Rules, 1951.
“Kala pynpaw ba naduh u snem 1952, ki bar jylla kila paw kyrteng bad ki don ruh mynta ha ka thup jong ki dkhot ka GHADC” shem ka Iingkashari, haba bynrap ba ka jingpynbna ba mih jingkylla ka dei eh kum ka jingtyrwa bad ka bym don ia ka jingtyrwa pynkylla ia ka rule 8 badrule 128, kiba batai ia ki nongthep vote bad ki kyrtong kiba lah ban iakhun elekshon.
Da kaba ka jingkdat noh sharud ia ka jingpynbna ka GHADC, ki nongthep vote bar jylla bad ki kyrtong ki dang don ia ka hok hapoh ki rules kiba don mynta naka bynta ka jingthep kyrteng ka ban kutha ka 16 tarik Lber.
 ba pynlong kongsan ia ka syrnot Scheduled Tribe (ST) na ka bynta ki kyrtong, haba ong ba kane ka Executive Order ka iaid lait ia ki kyndon jong ki ain kiba hap ban bud.){kind=link}