Iashimbynta ki nongthoh khubor ha ka NE Media Summit
Shillong, Rymphang 11: Ki nongpathai khubor na kylleng ki jylla ka thain shatei lammihngi kila iashimbynta ha ka NE Media Summit kaba la pynlong ha Manipal Hospital, Kolkata ha kaba ki nongthoh khubor kila leit jurip bad iakren bniah bad ka kynhun ki Doctor bad ki Nurse kiba ai jingsumar ia ki nongpang khamtam ia kiba wan na kylleng ki jylla ka thain shatei lammihngi.
Ha kane ka jingialang ka baar sngi, kaba la long ha ka 5 & 6 tarik u Rymphang ha Kolkata, ki nongpathai khubor kila leit jurip ia ki Hospital jong ka Manipal kiba don ha Kolkata bad kila iakynduh bad iakren bad ki doctor kiba sumar ia ki jingpang ki bapher bapher bad ruh ban iakynduh ia ki nongtrei kiba na kylleng ka thain shatei lammiohngi.
Ki nongthoh khubor na ka jylla Assam, Meghalaya, Arunachal Pradesh, Tripura bad Mizoram kila leit jngoh ia ka Manipal Hospitals Mukundapur & Salt Lake, Manipal Hospital, EM Bypass bad kila sakhi ia ka jingjam shaphrang jong kane ka jaka ai jingsuamr ha ka jingdon ia ki doctor bad ki nongai jingsumar kiba tbit ryngkat bad ki kor ki bor ne ki mashin ai jingsumar kiba dang thymmai.
Sumar ka Manipal Hospital da kaba leh ia ka Robotic-Assisted Knee Replacement
Haba ia kren bad ki nongthoh khubor, ki doctor kila pynpaw ba ki nongpang ki wan ban ioh ia ka jingsumar ha kaba iadei bad ka Orthopaedic, ka jingsumar kaba paka ban leh ia ka Joint Replacement, ban sumar ia ki nongialehkai kiba mynsaw, kiba pang syngkai bad kiba ioh ia ka Degenerative Musculoskeletal Disorders. Ka hospital ka pynleit jingmut ha kaban ai jingsuamr kaba paka bad kila pyntip ba kila pyndep haduh 1,000 sien ia ka jingpuid kaba la tip kum ka Robotic Total Knee Replacement (TKR) tang happoh jong ka 2 snem bad kane kala pynlong ia ki ban long kum ka Hospital kaba sted tam ha ka thain mihngi ka ri.
Kane ka rukom ai jingsumar ka pynthikna ia ki nongpang ha ki rta bapher bapher ba kin ioh biang ia ka jingkoit ba kin khlain biang bad ba kin lah ban treikam laitluid.
Ka Robotic-Assisted Knee Replacement ka pyni ia ka jinglah ka hospital ban pyndep thik pa thik bad ka jinglong kaba paka ka surgical precision, optimal implant alignment, reduced post-operative pain bad ban koit kloi. Ka rukom ai jingsumar kadei ruh kaba la leh da ka jingiatreilang jong ki kynhun ki nongsumar kiba la shemphang kum ki Orthopaedic Surgeons, Anaesthetists, Physiotherapists bad Rehabilitation Specialist ban ai ia ka jingkoit jingkhiah bad kane ka rukom sumar da kaba iatreilang kala long kaba seisoh.
U Dr. Vikash Kapoor, Cluster Director – Orthopaedics, Manipal Hospital EM Bypass, ula ong, “Ban pyndep ia 1,000 Robotic Knee Replacement Surgery hapoh jong ka 2 snem ka long u mawmer kaba kongsan bha, hynrei kane ka long shi bynta jong ka jingiohi jngai ban iai bteng ban ai ka jingsumar kaba paka. Bun ki nongpang ki wan phah sumar ia ka jingpang kaba kila don da ki snem, kim lah ban khih ne iaid than. Da kaba pyniasoh lang ia ka jingshemphang ki doctor bad ka pyndonkam ia ki ‘Robotic Technology ryngkat bad ka jingsumar sukher ia ki, ngi la lah ban pynmih ia ka jingseisoh ha ka rukom ai jingsumar bad iarap ia ki nongpang ban long biang kumba ki ju long bad ban pynurlong ia ka jingangnud ka jongki ha ka iaid ka ieng ne ka trei ka ktah”.
Bun kiba NE kiba leit sumar ia ka jingpang Cancer
Nalor kane la batai bad pyni ia ki nongthoh khubor ka thain shatei lam mihngi, ba ka Manipal Hospitals Kolkata kala iai bteng ban long kum ka centre kaba hakhmat duh ha ka Comprehensive Cancer Care ha ka thain mihngi ka ri India, ha kaba ka don ia ki kor ki bor kiba katkum kane ka juk kaba mynta bad ka kynhun jong ki 25 ngut ki Oncologist kiba la tbit bad shemphang bha bad kane ka Hospital kala kylla long ruh kaba la ioh ia ka jingshaniah na ki nongpang na West Bengal bad na ka thain shatei lamihngi ka ri ban shah sumar haba ki ioh ia ka jingpang Cancer.
Ka jingpang Cancer ha ka thain mihngi bad thain shatei lamihngi ka ri India kadei kaba jur bha namar ka jingslem ban lap ia kane ka jingpang hynrei ka Manipal Hospital kala shimkhia ia kane ka jingtynjuh lyngba ka jingai jingsuamr da kaba don ia ka jingiatreilang da kaba sumar ia ki nongpang hapoh kawei ka tnum kaba kynthup ia ka jingiada, jinglap kloi, medical oncology, surgical oncology, radiation therapy, organ-specific cancer management, supportive care bad ka rukom ai jingsumar ban lah ban im slem.
U Dr. Sourav Datta, Director – Manipal Comprehensive Cancer Care (Mukundapur, Salt Lake & Siliguri Clusters), ula ong, “Ka thong ka jong ngi ka long ban pynthikna ba ki nongpang kin ioh ia ka jingsumar kaba paka khlem da donkam ban leit sumar na kawei ka shnad sha kawei pat. Palat ia 30 ngut ki Oncologists ha ka medical, surgical bad radiation oncology ki iatreilang bad ka tumour boards bad kiwei kiwei ki tnad ban ai ia ka jingsumar kaba iaryngkat kyrdan ha ka pyrthei. Kane ka rukom iatreilang kala pynthikna ban ai ka jingsuamr kaba paka khamtam ia ki nongpang kiba wan na kylleng ka thain shatei lammihngi ka ri”.
Paw bha ka MH kaban sumar ia kiba ioh Stroke, Spine & Epilepsy
Kane ka hospita ka ai jingsumar ruh ia ki jingpang Cancer ki bapher, kynthup ia ka head-and-neck, urologic, orthopaedic-oncology, gynaecological, gastrointestinal bad kiwei kiwei.
Ka Manipal Hospital kala paw ruh ha kaban ai jingsumar ia ka jingpang stroke, spine disorders, epilepsy bad neuro-infections ha kylleng ka ri bad la batai ruh ba ki nongpang na ka thain shatei lammihngi kila wan poi ha ka por kaba biang ban ioh ia ka jingsumar watla kane ka jaka sumar ka jngai na ka iing ne ka jylla kaba ki sah.
Ka Manipal Hospital Mukundapur kala wanrah lang shi jaka ia ki Neurologists, Neurosurgeons, Spine Surgeons, Neuro-Interventionalists, Intensive Care Specialists bad ia ki riewstad ha kaban sumar sukher bhai a ka jingpang u budlum bad ki bynta jong ka khlieh.
Ki doctor kila iathuh ba kane ka hospital kadei ruh kaba la bna nam ha ka Acute Stroke Management Service, kaba bud ryntih ia ki Stroke Code protocols ne ki kyndon ha ka pyrthei ban pynthikna ban khmih bniah mardor, ban leh mardor ia ka Neuroimaging bad ka jingtuklar kloi kum ia ka Thrombolysis bad Clot Retrieval hapoh ki Kynta Ksiar ne Golden Hour ban lait na ka jingduna ne jingdkoh kaba shirta khamtam ia ki nongpang kiba wan na ka thain shatei lammihngi ka ri.
U Dr. Jayanta Roy, Director & Advisor, Regional Head (East) – Neurology, Manipal Hospitals, ula ong “Ka jingpang Stroke ka iai bteng ban long kawei na ki jingeh ha ka thain shatei lammihngi namar ka jingbym ioh ia ka jingsumar kaba mardor, hynrei ka Manipal Hospital Mukundapur, ka rukom suamr kadei kaba iaid katkum ki kyndon ha ka pyrthei da kaba pynleit jingmut bha ha kaban pynkloi, ka rukom sumar kaba paka bad ruh ban ai ka jingiada. Ka rukom pynwanlang ia ki nongsumar jong ka Neuro bad Spine kadei ban lah ban ai jingsumar mardor bad ban ioh ia ka jingkoit jingkhiah bad ban pynthikna ba ki nongpang kin ioh ia ka jingsumar kaba kidei hok ban ioh”.
U Dr. Anindya Basu, Senior Consultant and Clinical Lead – Spine Surgery ula ong ba ka hospital kala lah ban seisoh ha kaban ai jingsumar ia ki nongpang naduh ki rta kiba dang rit haduh kiba lah tymmen kiba ioh ia ka Severe Nerve Compression bad ki nongpang kiba ioh ia ka Spinal Tuberculosis kaba don ia ka jingma ban ioh ia ka Paralysis. Ula ong da kaba pyndonkam ia ka buit bad ia ka jingstad ha ka rukom ai jingsumar bun ki nongpang kila lah ban ioh ia ka jingkoit bad kila lah ban khih ban ksar biang.
Ka jingsumar ia kiba pang Cardiothoracic bad Gastrointestinal
Ha kane ka Summit la pyni bad batai bniah ruh ba ka Manipal Hospital, Broadway kala kylla long kum ka jaka kaba tbit ban ai jingsumar ia ki nongpang na Mizoram bad na kiwei kiwei ki jylla ka thaiñ shatei lammihngi ha ka Cardiothoracic bad Gastrointestinal, ha kaba ki nongsumar kila ai ka jingsumar kaba la lah ban iada ia ka jingim ka jongki da kaba pyndonkam ia ki kor ki bor katkum kane ka juk stad kaba mynta, ka jingshemphang bad jingtbit ki doctor bad ka jingdon ia ka jingsngewlem bad ka rukom sumar kaba don ia ka jingiadei kaba iajan bha bad ki nongpang.
Ki Doctor kila iathuh ba kawei ka khynnah kynthei kaba dang 17 snem na Aizawl, Mizoram, kala ioh ia ka jingsumar kaba paka, ha kaba ki doctor kila iada ia ka jingim ka jongka da kaba leh ia ka Minimally Invasive Cardiac Surgery na ka jingpang u Klongsnam bad bun ngut ki nongpang kila ioh ruh ia ki jingsumar na ka jingpang ki bapher bapher kiba iadei bad ka Gastrointestinal kiba donkam ban ioh ia ki jingsumar na ki doctor kiba tbit bad kiba shemphang bha.
Kila iathuh, ba katei ka khynnah kynthei kaba 17 snem, kala mad ia ka jingshitom ban ring ne pynhiar mynsiem bad ka jingsngaid kaba la bat da ki snem kaba kala shem jingeh ban iashimbynta ha kino kino ki bynta ha ka jingim kaba man la ka sngi. Hynrei hadien ba la dep ban khmih bniah bha da ki kynhun bapher jong ka Manipal Hospital Broadway, la shem ba kala ioh ia ka Atrial Septal Defect (ASD) ka jingpei thliew kaba 4 Cm ha u klongsnam bad ka donkam kyrkieh ban ioh ia ka jingsumar kaba paka. Ki doctor kila pynpaw ba namar ba kane kadei kaba dang khynnah ha ka rta, kumta ka Cardiac Surgical Team kala leh ia ka Minimally Invasive Cardiac Surgery (MICS) ha ka jaka ban leh da ka Conventional Open Heart Surgery. Kane ka rukom sumar kala long kaba seisoh bad la leh ia ka ha ka 26 tarik u Jylliew da u Dr. Sujoy Chatterjee, Senior Consultant – Cardiothoracic & Vascular Surgery jongka Manipal Hospitals, Broadway.
Kila pynpaw ba kane ka rukom sumar kala pynthikna ban pynduna ia ka jingkhuslai, ban koit kloi bad ka jingmih kaba seisoh, ha kaba ka nongpang kala lah ban ioh ia ka jingkoit bad hadien 10 sngi ka nongpang kala ioh ban leit phai sha la iing da ka jingkhlain bad ka jingngeit kaba skhem halade.
Kila iathuh ba ka Manipal Hospital, Broadway kala khring bha ia ki nongpang na kylleng ki bynta jong ka thaiñ shatei lammihngi kiba don ia ka jingpang Gastrointestinal, khamatam haba kane ka thaiñ kadei kaba jur bha ia ka jingpang GI ha kaba ki jingpule kila shem ba palat 70% jongki nongpang kiba don ia ka “Chronic Upper-GI Symptoms kidei kiba don ia ka Gastritis bad Helicobacter Pylori Infection ia kaba la lap la jan 30–35% na kiba wan shah sumar.
Ka thaiñ shatei lammihngi kadei ruh kaba la paw ha ki kaiphod jong ka jingjur ki briew ban ioh ia ka Gastrointestinal Cancer hapoh ka ri India, khamtam eh ka Gastric bad Oesophageal Cancer, katkum ka National Cancer Registry Data. Kumta ki nongpang na Mizoram bad na ki jylla kiba marjan ki ju leit shabar ban wad ia ki lad bad ia ka daw tynrai jong ka jingpang, ka jingkhmih bad jingsuamr ia ka jingpang bad ban ioh ia ka jingshah khmih kaba bniah lyngba ka Advanced Endoscopy & Hepatology. Kumta ka Manipal Hospital, Broadway kala shimkhia ia kane ka jingdonkam kaba kongsan lyngba ka Gastroenterology Care, kaba kyrshan ryngkat bad ka Advanced Diagnostics, Therapeutic Endoscopy bad ka Medical Management ban pynthikna ba ka jingtuklar mardor bad ka jingiai bteng ban sumar ia ki paidbah na ka thaiñ.
Da ka jingiai kiew jong ka jingkoit ki nongpang kiba na Mizoram bad na ki jylla ka thaiñ shatei lammihngi, kane ka hospital kala iai bteng ban ioh ia ka jingshaniah bad ki nongpang kim shym la kheiñ snep satia watla ka jngai katno katno ruh, kila leit ban phah sumar ban ioh ia ka jingkoit jingkhiah.
Kila iathuh, ba ka Manipal Hospital kadei ka nongsdang ia ka jingai jingsumar bad kadei ruh ka Hospital kaba wan ha ka kyrdan kaba shakhmat ha ka ri ha kaban ai jingsumar ia palat 8 million ngut ki nongpang ha man la ka snem, da kaba pynleit jingmut ha kaban ai ia ka jingsumar kaba kot bor, ka jingai jingshakri ha ka kyrdan kaba heh.
Ka Manipal mynta ka don ha kylleng ki bynta jong ka ri India ha kaba kala don 49 tylli ki Hospital ha kylleng ki 24 tylli ki Nongbah ryngkat bad 12,600 tylli ki jaka thiah kiba la ioh lisen bad ka don ia ki Doctor haduh 11,000 ngut tam bad ki nongtrei ia palat 34000 ngut bad ka Manipal Hospital kadei kaba la ioh ia ka jingithuh na ka AAHRPP bad kiba bun ki shnad jong kane ka hospital kidei kiba la ioh ia ka jingithuh NABH, NABL, ER, Blood Bank bad kaba la ioh ruh ia ka jingithuh ha ka jingtbit jong ka jingshakri kaba tbit kaba la ai da ki Nurse.
