Shillong, Naiwieng 07 : U Vice Chancellor ka North Eastern Hill University (NEHU) Prof PS Shukla ha ka sngi Palei, ula kular ban thung mar mar ia ka Enquiry Committee ka ban khmih ia ki jingdawa ban weng noh ia u Registrar bad Deputy Registrar bad ruh ban shim ki sienjam kat kum ka kaiphod jong ka.
Ha ka shithi sha u President ka NEHUSU, u Prof Shukla ula kubur ba ki don katto katne ki mat kiba la pynsngew pyrshah ia kine ki briew da ki samla pule, ba dawa ban weng noh ia u Registrar bad Deputy Registrar.
“Ka University ka don ia katto katne ki rule bad ki kyndon treikam ban leh ia kum kine ki kam. Kum u Vice Chancellor, ka kamram jong nga ka long ban pyntreikam ia kine ki rules bad ki kyndon treikam. Kumta, ngan sa khot ia ka jingialang jong ka Executive Council ban thung ia ka Enquiry Committee hapoh ka 11 tarik Naiwieng” ula ong.
U Prof Shukla ula kular ruh ba halor ki jingshem jong ka Enquiry Committee, un sa shim ia ki sienjam kiba dei ban shim.
U Prof Shukla ula mynjur ruh ban thung ia ki Pro Vice Chancellor ia ka Shillong bad Tura Campus hapoh ka 30 tarik u Naiwieng.
“Nga, kum u Vice Chancellor, nga mynjur ban thung ia ki Pro Vice Chancellor ban pynjanai ia ka jingtreikam ka Shillong bad Tura Campud haba bud ia ki rules bad ki kyndon treikam kat kum ka University Ordinance la kumno kumno ruh hapoh ka 30 tarik Naiwieng, 2024” ula ong ha ka shithi.
Haba kyrpad ia ki samla pule ba kin pynsangeh noh ia ka jingiakhih, u VC ula ong “Nga kyrpad bad kyntu ia phi ban sngewbha pynsangeh noh ia ki jingiakhih khnang ba ki jinglong jingman kin long biang kumba ju long hapoh ka University”.
 Prof PS Shukla ha ka sngi Palei, ula kular ban thung mar mar ia ka Enquiry Committee ka ban khmih ia ki jingdawa ban weng noh ia u Registrar bad Deputy Registrar bad ruh ban shim ki sienjam kat kum ka kaiphod jong ka.){kind=link}