Shillong, Rymphang 27 : Uwei u Area Commander ka seng Hynniewtrep National Liberation Council (HNLC) ula wan ban pyndem ialade hakhmat ki Pulit ha Mairang, Eastern West Khasi Hills ha ka sngi Palei.
Ia une u nongialam ka HNLC la wan synran sha Shillong ban iakynduh ia ka Director General of Police (DGP) ka Jylla.
Une u Heh HNLC u kyrteng u Samuel Wahlang Pahsyntiew, na ka shnong Umpohwin, uba la wan pyndem ha Mairang Police Headquarter ha ka 25 tarik Rymphang ha ka jingiadonlang ki bahaiing, ki bor shnong bad ki Heh Pulit, ong ka kyrwoh bala pynlait da u Assistant Inspector General of Police (A) ha ka sngi Thohdieng.
U AIG u pyntitp ba u Samuel u dei uba suba donkti ha ka jingpynbthei bomb ha 9 tarik Lber 2024 hajan Shillong Syndicate Bus Stand-Them Metor bad kiwei kiwei ki jingjia.
Ha ka jingtohkit, ula phla ba ma u ha ryngkat bad ki ehrang ka HNLC na Bangladesh kila pyrshang ban pynrung dkhot ia ki samla sha ka seng ha kine ki arsnem bala leit noh.
Halor kane ka jingtip, ki Ophisar ba tohkit kila register ia ka CBPS (ER) Case No. 01(02)2026 bad kem ia arngut ki suba dkhot na Umsning.
Ki Pulit ki ong ba kine ki arngut la suba jur ba ki dei kiba buh ia u bomb ha Iew Umsning ha ka 12 tarik Risaw 2025, ia kaba la lap bad pyniap noh ia ka bor treikam jong u.
“Ki Pulit kila nang shim ia ki sienjam ba donkam ban shim kat kum ka ain bad ruh ia ka policy pyndem wait jong ka Sorkar Jylla” ong u AIG haba pyntip ba ka jingtohkit mynta ka dang iaid shakhmat.
 ula wan ban pyndem ialade hakhmat ki Pulit ha Mairang, Eastern West Khasi Hills ha ka sngi Palei.){kind=link}