Shillong, Rymphang 26 : U Myntri Khynnah ka Development of North Eastern Region (DoNER) Dr Sukanta Majumdar ha ka sngi Balang, ula pynbna ba ka Jylla Meghalaya kan wanrah ia ka Vision Document 2047 ha u bnai ban wan.
Haba kren sha ki nongthoh khubor, u Dr Majumdar ula ong “Ka Meghalaya ha ryngkat kiwei pat ki Jylla kila shna iala ki jong ki Vision Documents 2047 naba u Myntri Rangbah Duh u don ka jingiohi jngai ba hapoh u 2047, ka India kan dei ka ri
Kaba la kiew shaphrang”.
“Hynrei, khlem ka thain Shatei Lam Mihngi kaba la roi, yn ym lah ban pynurlong ïa ka Bharat kaba la roi kumba la angnud,” u la ong haba bynrap “Namar kata, ka Meghalaya bad kiwei kiwei ki jylla NE kila shna ïa kane ka vision document bad kila jan dep artad. U myntri ka sorkar pdeng un sa wan jngoh lehse ha ka 11 ne 12 tarik u Lber bad ha ka jingdon lang jong u bad ha ka jingdon lang u Myntri Rangbah ka jylla u Conrad K Sangma, ka jylla kan wanrah bad ai jingbatai ia ka vision document.”
“Nga ngeit ba kane ka Vision Document kan plie ia ka lynti ha kaban kynjoh ia ka Viksit Meghalaya bad khatduh ngin kyn joh ia ka Viksit Bharat” ong u Dr Majumdar.
U Myntri khynnah ula pyntip ruh ba u Myntri Rangbah ka Jylla ula khlieh ia ka Task Force ki Myntri Sorkar halor ki kam jngohkai.
“Nga la iakynduh ruh ia u Myntri Rangbah ka Jylla bad u kwah eh ban pynleit jingmut halor ki kam pynroi hapoh ka DoNER Ministry bad u da thrang shisha ban pynroi ia ki kam jngohkai ha ka Jylla” ula ong.
Haba pynpaw ba u Myntri Rangbah Duh ula wan iuhkjat ha ka thain Shatei Lam MIhngi la palat 60 sien namar ka jingphah ia ki Myntri ka Sorkar Pdeng ba kin wan iuhkjat man ka por sha ka thain, u Dr Majumdar ula ong “Nga ngeit ba ha ki snem ban wan, ki Jylla ka thain kynthup ka Meghalaya kin sa long ka bor jong ka Ri jong ngi”.
 Dr Sukanta Majumdar ha ka sngi Balang, ula pynbna ba ka Jylla Meghalaya kan wanrah ia ka Vision Document 2047 ha u bnai ban wan.){kind=link}