Shillong, Rymphang 09 : U Myntri Rangbah ka Jylla Conrad K Sangma, ula pynbna ia ka rai jong ka Sorkar Jylla ban thung da ka Judicial Inquiry Commission ban tohkit ia ka jingbthei ka par tih dewiong beain ha Mynsngat-Thangsko, East Jaintia Hills, kaba la shim ia ka mynsiem ki 27 ngut ki nongbylla tih dewiong.
“Ka Sorkar kala rai ban thung ia ka Judicial Inquiry Commission hapoh ka Commission of Inquiry Act, ban tohkit ia ka jingiap ki nongtih dewiong dang shen” ong u Conrad ha ka jingthoh bala buh ha social media ha ka sngi Nyngkong.
Arngut ki trai par, u Forme Chyrmang (36) bad u Shamehi War (42), kila shah kem bad shah set ha ka police custody ba lai sngi.
Ki bor Sorkar ki dang bishar ia kiei kiei baroh, ban pynithuh ia ki briew ba iap, bad ka jingbteng ban wad ia ki briew ba dang jah, ka jingtohkit bad ka jingtian bishar kat kum ka ain.
