Shillong, K’lyngkot 06 : U Additional Deputy Commissioner ka Pynursla Civil Sib-Division, u pynbna ba kan don biang ka jingkhang iaid ki kali ha shilynter ka surok hapdeng ka Laitlyngkot-Lyngkyrdem naduh ka 8 tarik Kyllalyngkot.
U pyntip ba ka por ban khang ia ki kali ba kin iaid na kane ka surok kan long hapdeng 11:30 baje mynstep haduh 4 baje janmiet bad ha ka por 9 baje mynmiet haduh 4 baje jong ka step kaba bud.
Kane ka jingpynbeit khang iaid kali kan treikam naduh ka 8 tarik Kyllalyngkot tad haduh da pynmih da kawei pat ka jingpynbna.
La ong ba tang haduh 11:30 baje mynstep yn ailad ban jam na ki jaka sdang, kata na Lyngkyrdem bad Laitlyngkot bad hadien kane, naduh ka por 12 baje mynsngi, ka kompani kan sa sdang noh ia ki kam ban pyntrei ia ka surok.
La kyntu ia ki nongleit nongwan ba kin long kiba husiar haba iaid lyngba kane ka bynta jong ka surok bad khamtam eh ha ka por mynmiet.
La pyntip ba tang ia ki kali kit nongpang yn shah ban iaid ha kitei ki por khnang hynrei ki hap ban pyntip lypa ha u phone nombor 6909217154 jong ka Pynursla Police Station.
