Shillong, Naitung 31 : Ka Sorkar Jylla kala pynbna shuti ia baroh ki skul kiba hap hapoh u pud u sam ka Shillong Municipal ha ka 2 tarik Nailar, namar ka lympung ialehkai Durand Cup ha madan JN Stadium, Polo.
Kane ka jingpynbna kala mih na u Director ka School Education & Literacy Swapnil Tembe.
Kat kum ka jingong jong u, kane ka rai ai shuti ka dei kaba la shim halor ka shithi bala phah da ka Director ka Sports & Youth Affairs ba pyntip ia ka jingdon ka jingialang plie ia ka lympung Durand Cup ha ka 2 tarik Nailar ha JN Stadium, Polo, kaba lah ban wanrah ia ka jingdheng kali kaba jur bha.
Ula ong ba khang ban nym ktah bad buh ha ka jingeh ia ki khynnah skul, ka Directorate kala rai ban ai shuti noh ia ki skul kiba hap hapoh u pud u sam ka Shillong Municipal ha kane ka sngi (2 tarik).
