Tura, Oct: Ka National Disaster Management Authority (NDMA) kala ai ka jingmaham ia ka West Garo Hills bad South West Garo Hills na ka bynta ki 24 kynta kaban wan.
La ong ba kan don ka jingjur slap bad ka jingther u lapbah lapsan ha ki katto katne ki jaka ha ki 24 kynta ban wan ha West Garo Hills bad South West Garo Hills.
Kane ka jingther u lapbah ka lah ban pynmih ia ka jingshkei um bad ka lah ban pynmih ruh ia ka jingtwa kyndew ha kitei ki jaka.
Ka NDMA kala bthah ia ki paidbah ban shim ia ki lad jingiada na ka bynta ban shngain.
Kane ka jingmaham kala hadien ba kala don ka jingshlei um namar ka jingbthei ki lyoh ne cloudburst ha Sikkim ha kaba 14 ngut ki briew kila iap bad palat 100 ngut kila jah haduh mynta.
Ka India Meteorological Department (IMD) kala ruh ia ka jingmaham ia ka Sikkim bad ka “Orange Alert” ia ka jylla Assam bad Meghalaya ha ki 48 kynta kiban wan, namar ka jingshlei um kaban mih na ka wah
Teesta.
