Shillong, Nailur 22: Ka Meghalaya Cricket Association kala pynbna ia ka kyrteng jong ki nongialehkai Cricket ka jylla kiban iashimbynta ha ka U-19 Men’s Vinoo Mankad Trophy 2024-25, kaba dei ka jingialehkai One Day kaba 50 Over.
Nalor kane la jied ruh ia ki 4 ngut ki nongialehkai kiba la pynap lypa ne ki Standby.
Kane ka kynhun ialehkai ka Meghalaya ia mynta ka dang don ha ka jingpyntbit ialehkai Cricket ha Jagiroad, Assam bad kan mih ban leit iakhun ia ka Vinoo Mankad Trophy kaban long ha Cuttack, ha ka 1 tarik u Risaw.
Ka jylla Meghalaya ka don ha ka kynhun kaba kynthup ia ka Baroda, Bengal, Assam, Karnataka bad Maharashtra.
Kiba bun na ki nongialehkai kiba mihkhmat ia ka Meghalaya ha ka samoi kaba la dep kila shah jied biang ban ialehkai mynta ka samoi 2024-25, katba ki katto katne ki khlur ialehkai ha ka U-16 jong ka samoi kaba la dep, kiba kynthup ia u Apandanka R Marak bad u Gaurav Jyoti Thakuria kila shah kynthuplang ha ka kynhun ialehkai.
Ki nongialehkai kiba la shah jied ki kynthup ia u Apandanka R Marak, Aashish Kumar Lohar, Angkit Tamang, Dipayan Nandi, Dipankar Baruah, Gaurav Jyoti Thakuria, Heiyomiki Ryngkhlem, Jarrett M Wanniang, Kshitij Singhania, Manthan Dey, Pushkar Raj Singh, Rudra Singh Rathore, Shubham Rasaily, Salchang Sangma bad u Shavian Blah.
Katba ki nongialehkai kiba la shah pynap ne Standby ki kynthup ia u Grish Raj Ray, Chengsrang S Marak, Manthan Gupta bad u Gaurav Narleng.
Ki Support staff ki kynthup ia u Sandipan Deb Nath (Head Coach), Shiva R Sangma (Assistant Coach), Hamboy Langbang (Physio), Gregory G Syiemlieh (Trainer), Prewindson D Sangma (Manager).
Ka Meghalaya kan iakhun pyrshah ia ka Baroda ha ka 4 tarik u Risaw
Ka Meghalaya kan iakhun pyrshah ia ka Bengal, ha ka 6 tarik u Risaw
Ka Meghalaya kan iakhun pyrshah ia ka Assam, ha ka 8 tarik u Risaw
Ka Meghalaya kan iakhun pyrshah ia ka Karnataka, ha ka 10 tarik u Risaw
Ka Meghalaya kan iakhun pyrshah ia ka Maharashtra, ha ka 12 tarik u Risaw
