Pynbna khusnam song pisa ka Tnad Pulit ia ki Pulit ba iakhun ia ki paidbhur ha Tura

Date:

Share post:

Tura, Naitung 29: Ka Tnad Meghalaya Police kala pynbna ia ka song pisa bad ka syrnot ai jingiaroh ia ki Pulit Kynthei bad Shynrang kiba la iakhun khlem ka jingriej ban pyndep iala ka kamram ha kaban tehlakam ia u paidbhur uba thombor ia ka Chief Minister Office (CMO) ha Tura myn ha ka 24 tarik Naitung katba u Myntri Rangbah Conrad K Sangma u dang don hapoh bad dang iakren bad ki Sengbhalang.

U Superintendent of Police ka West Garo Hills VS Rathore ula pyntip ba ka song pisa kan long mar T. 5000 lem bad ka shithi ai khublei la aiti sha ki 12 ngut ki Pulit ka Jylla bad ki Home Guard kila buh iala ka jingim ha ka jingma ban ai jingiada ia u Myntri Rangbah ha kane ka miet.

Ka Tnad kala air uh ia ka shithi ai jingkhublei ia ki 7 ngut ki CrPF kiba la mynsaw lang ha kane ka juh ka miet.

U Myntri Rangbah ka Jylla Conrad K Sangma ula pynbna ia ka song pisa ba mar T. 50000 sha kito ki bor pahara kiba la mynsaw na ka jingthombor ki paidbhur bad ruh ia baroh ki jinglut jingsep ha ka bai dawa ban bei da ka Sorkar Jylla.

Ka bor District kala kem haduh 47 ngut ki briew kynthup ia 40 ngut ki shynrang bad 7 ngut ki Kynthei kiba donkti ha ka jingpynkulmar bad thombor ia ka CMO ha Tura.

Pule ruh: Pan jubab ki Sengbhalang ka Ri-Lum Garo ba troin ka bor pahara u CM ha ka jingkulmar ha Tura

 

Share post:

spot_img

Popular

More like this
Related

Pynbna ka NEHUSU da ka jingpynsangeh shong klas ba khlem pud ba wanrah Pulit ha Campus

Shillong, Iaiong 28 : Ka North Eastern Hill University...

Pan por ka Sorkar shibnai ban maramot ia ka jingkieng Mawlyndep

Shillong, Iaiong 28: U President ka Meghalaya Commercial Truck...

Shah pynkup burom u Prof David R Syiemlieh da ka Padma Shri Award

Shillong, Iaiong 28 : U Prof David R Syiemlieh...