Shillong, K’Lyngkot 10: Ka Treilang Welfare Society ha ka jingiatreilang bad Ka Meghalaya AIDS Control Society (MCAS) kan rakhe ia National Youth Day 2023 haka 13 tarik mynta u bnai ha madan phutbol Madan Malki.
Ka thong ban pynlong iaka jingrakhe National Youth Day ka dei naka bynta ban pynsaphriang ia ka khubor kumno ban long adkar bad phikir ban lait na ka jingpang niangkulia lane HIV/AIDS bad kumjuh ruh ban kyntu ruh ia ki samla ba kin pynleit jingmut ha ka kam kilan met khnang ban lait na ka jingmut jingpyrkhat kaba sniew, kam sniew lane kam bymman khamtam kum ki por mynta ba ka jyllei than ki kam Drok.
Ka MAC, ka iawer ia baroh ki samla ka jylla ban ia shim bynta kumjuh ruh ban wan sakhi ia kane ka sngi lyngba ki program bapher bapher kum ka Open to all Penalty 2023, ka jingialehkai Football hapdeng ka Black Diamond pyrshah ia ka MLP.
Ki nongjop jong ka Penalty Shootout kin rah iaka song pisa ba T.20 hajar, kiba wan baar T. 7 hajar bad ka kynhun ba wan ba lai kan rah T. 3 hajar.
Ha kane ka sngi kan don ruh ka jingpynkup burom ia u bah Johnny Nongrum bad ia ka kong Margaret Pathaw lem bad katto katne ki samla kiba la wanrah nam ia ka jylla Meghalaya.
