Shillong, Naitung 31 : Ka Sorkar Jylla kala pynbna ia ka rai ban pynkiew ia ka tulop jong ki palat 1200 ngut ki Nongtrei (non-teaching staff) ka Samagra Shiksha Abhiyan (SSA) da 25 %, ka ban treikam naduh ka 1 tarik Iaiong, 2024.
Ia kane ka rai jong ka Sorkar la pynbna da u Special Officer Incharge ka Tnad Pule Puthi ha ka shithi bala phah sha u State Project Director, Samagra Shiksha (SEMAM) bad Director of School Education & Literace, Meghalaya myn ha ka 26 tarik Naitung.
Ka shithi ka ong “Halor ka mat bala kdew hangne, la bthah ia nga ban pyntip ia ka jingmynjur jong ka Sorkar ban pynkiew da 25% ka tulop jong ki Office Staff ka Samagra Shiksha (Non-Academic) ha ka Jylla, District bad Block MIS, DEO bad Accountant, ka ban treikam naduh u snem mang tyngka 2024-25 (kata 1 tarik Iaiong, 2024). Ia kane ka jingmynjur la pynmih halor ka shithi ka tnad Finance (EA) ba 18 tarik Naitung 2024. Kane kala ioh ia ka jingmynjur jong ki bor ba dei khmih”.
Ha kajuh ka por, ka All Meghalaya SSA Non-Teaching Staffs Association (AMSSANTSA) ha ka sngi Balang, kala pynsdang ia ka jingiakhih da kaba iashong kyllain mungor ha madan Malki ban pynbor ia ka Sorkar Jylla ba kan pynkiew noh ia ka tulop jong ki.
 ka Samagra Shiksha Abhiyan (SSA) da 25 %, ka ban treikam naduh ka 1 tarik Iaiong, 2024.){kind=link}