spot_img

Pynbna ka Sorkar ban plie noh ia ka surok Them Metor

Date:

Share post:

Shillong, Risaw 30 : Ka Deputy Commissioner ka East Khasi Hills, kala pynbna ban plie noh ia ka jingiaid ki kali na surok Them Metor kaba pyniasoh ia ka Mawlonghat sha Bimola naduh ka 4 tarik u Naiwieng.

Kane ka surok ka dei kaba la khang iaid kali (No Entry) naduh u bnai Jymmang 2018 ba mih ka jingiakhih pyrshah ia ki Harijan ba sah ha Them Metor. Kane ka jingiakhih kala mih hadien ka jingshah shoh ki arngut ki Khun jong u nongniah bos saw tang namar ba kah lynti kane k abos ia kawei ka kynthei Harijan ba rah um.

Ha ka hukum, ka Deputy Commissioner kong RM Kurbah kala pyntip ba ia ka ‘No Entry’ na Mawlonghat sha Bimola la weng noh naduh ka 4 tarik Naiwieng tang hapdeng ka por 8 baje mynstep haduh 4 baje janmiet.

Ka pyntip ba ia kane ka hukum la pynmih na ka daw ban pynduna ia ka jingdheng kali ha Iewduh bad ka jingiaid beit iaid ryntih jong ki kali.

Kala pyntip ia ka surok na Motphran sha Mawlonghat bad Pynjabi Lane (Them Metor) la pynkylla One-Way bad la buh da ka No-Entry na Mawlonghat sha Motphran.

Ka pyntip ba ia ki bos kiba pynieng ha surok Mawlonghat hajan ka Traffic Point, la pynkynriah noh sha MUDA parking lot pyrshah ka Anjalee Cinema.

La ong ruh ba baroh ki bos STPS yn ym shah ban iaid sha Mawlonghat na Motphrah hynrei ki hap ban iaid beit beit sha Standjeep bad mih sha District Council.

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...