Shillong, Jymmang 21: Ka Sports Authority of India (SAI), Sports Training Centre (STC), Shillong ka pynbna ïa ki jingjied (Selection Trials) ia ki nongïalehkai ba don sap hapoh ka skhim Residential bad Non-Residential Training Schemes jong u snem 2025–2026.
Kine ki Trails ki kynthup naka bynta ka Archery, Athletics, Boxing, Football, Judo, bad Karate bad iaka jingjied yn pynlong ha SAI STC NEHU Campus, Shillong.
La kyntu ia kiba hapdeng ka rta 12 haduh 18 snem ban iashim bynta ha kane ka jingjied nongialehkai.
Ka Trail naka bynta Archery, Athletics, Boxing & Karate kan long haka 30–31 tarik Jymmah ha ka por 8:00 baje mynstep, Age Group: 12 haduh 18 snem.
Archery: Residential (Girls only) & Non-residential (Boys & Girls)
Athletics: Residential (Boys & Girls)
Boxing: Residential (Boys only)
Karate: Residential (Boys & Girls)
Ka Trail naka bynta Football kan long haka 2-3 tarik Jyliew naka bynta Non-residential (Boys) haka por 8 baje mynstep.
Ka Trail naka bynta Judo kan long haka 9 bad 19 tarik Jylliew naka bynta Residential (Boys & Girls) iaki ba dang 12 haduh 18 snem haka por 8 baje mynstep.
Ka jingjied kan long katkum ka jinglah ha ki jingialehkai, ka jingjop ha ki kyrdan international, national, state, and district levels.
Ki nongialehkai kin hap ruh ban pyndep iaka Skill bad Fitness Tests bad ka Attitude Sssessments.
Ki kyndon ba donkam ban bud ki kynthup ka rta 12 haduh 18 snem naduh ka 1 tarik u Iaiong 2025 (ka jingpynlait rta na ka bynta ki nongialehkai kiba don ka jinglah kaba kyrpang), ka jingioh kyrdan Top 3 ha ka kyrdan District lane kiwei kiwei, ki nongialehkai ki dei ban pyni ia ka jingpynshisha ia ka jingkoit jingkhiah na u doktor.
Ki kot ki sla ba donkam ban rah ki kynthup 2 tylli ki dur kiba dang shen, Aadhaar, ka birth certificate, ki syrnod jop ha ki jingialehkai.
, Sports Training Centre (STC), Shillong ka pynbna ïa ki jingjied (Selection Trials) ia ki nongïalehkai ba don sap hapoh ka skhim Residential bad Non-Residential Training Schemes jong u snem 2025–2026.){kind=link}