Nongpoh, Naitung 14: Ka Ri-Bhoi Boxing Association (RBBA) ha ryngkat ka jingiatreilang bad ka Meghalaya Boxing Association (MBA), kan ioh ban pynlong (host) ia ka BFI East Zone Elite Men’s Boxing Championship 2023 ha u bnai Nailar ban wan.
Kane ka lympung iakura ba 3 sngi lynter kan long naduh ka 17 tarik haduh ka 19 tarik u Nailar ha ka madan ialehkai Kurkalang kaba don ha ka shnong Bhoirymbong, Ri-Bhoi District.
Kane ka dei ruh ka sien ba nyngkong ba ka Ri-Bhoi Boxing Association kala ioh ban pynlong ia katei ka lympung hapoh ka District.
Ha kane ka sngi na ka liang ka Meghalaya Boxing Association haba ai jingkren ha office treikam jong ka Ri Bhoi Boxing Association ki la pynpaw ia ka jing sngewkmen kaba khraw ba ka Ri Bhoi Boxing Association ka la lah ban shim ia kum kane ka sien jam, ka ban long ruh ka kabu ksiar ia ki khun samla ka jylla ba kin ioh ban iashim bynta ha kum kane ka lympung ialehkai.
La pyntip ba ha kane ka lympung yn don kumba 4 tylli ki jylla ki ban iashim bynta, kata ka Jylla Assam, West Bengal, Sikkim bad ka jylla Meghalaya.
Kiba la iadonlang ha kane ka sngi ki dei u bah Cornelius Kharhunai President RBBA, kong Mercia Dohling secratary RBBA, samla Dennis Marweiñ Assistant Secratary RBBA, bah Larry Kharpran Join Secratary Boxing Federation of India, samla Dondor Marweiñ secratary MBA lem bad ki dkhot jong ka Ri Bhoi Boxing Association bad ka Meghalaya Boxing Association.
Pule ruh: Lap biang ka KHADC sa 3 tylli ki dukan bar Jylla khlem Trading Licence ha Nongpoh
 ha ryngkat ka jingiatreilang bad ka Meghalaya Boxing Association (MBA), kan ioh ban pynlong (host) ia ka BFI East Zone Elite Men’s Boxing Championship 2023 ha u bnai Nailar ban wan.){kind=link}