New Delhi, Jymmang 10 : Ka National Testing Agency (NTA) kala pynbna ban pynlong ia ka eksam Common Univerity Entrance Test (CUET) 2024 ha ka 15 tarik Jymmang bad ka Meghalaya kan ioh lai tylli ki Centre ban pynlong ia ka eksam-ka Shillong, Jowai bad Tura.
Ha shithi bala phah da u Director General ka NTA Subodh Kumar Singh sha u Director ka School Education & Literacy ka Jylla Swapnil Tembe, la pynbna ba ka NTA kan pynlong ia ka eksam CUET (Under Graduate) 2024 ha ka Hybrid mode (CBT bad ba shu thoh) ha ka 15, 16, 17, 18, 21, 22, bad 24 tarik Jymmang ha ki Examination Centre bapher bapher jong ki 380 tylli ki Nongbah kynthup 26 tylli ki jaka sor shabar ka Ri India na ka bynta ki 13.48 lak ki samla.
Ia ka Meghalaya, ka eksam kan long da ka offline mode ha Tura, Jowai bad Shillong ha ka 15,16, 17 bad 18 tarik Jymmang 2024 kat kum ka jingdon ki nongiakhun ia ka eksam.
Ka jongdon ki nongialeh eksam bala phah ia kine ki lai tylli ki centre ka long- Shillong-8535 ngut, Tura-5618 ngut bad Jowai-4269 ngut.
Ki mat: CUET Pen & Paper (Offline) 15, 16, 17 bad 18 Jymmang 2024.
Computer Based Test (CBT) 21, 22 bad 24 Jymmang 2024.
 kala pynbna ban pynlong ia ka eksam Common Univerity Entrance Test (CUET) 2024 ha ka 15 tarik Jymmang bad ka Meghalaya kan ioh lai tylli ki Centre ban pynlong ia ka eksam-ka Shillong, Jowai bad Tura.){kind=link}