Shillong, Jymmang 10: Ka National Testing Agency (NTA) kala rai ban pynlong ia ka Common University Entrance Test (CUET) da ka offline mode, kaba mut ba kan pynlong ia ka eksam ha ki skul ba jaka pule.
“La pyntip sha nga da u Chairman ka NTA ba ha kane ka kynti, ka NTA kan pynlong ia ka eksam UG-CUET da ka offline mode” ong u Myntri ka Pule Puthi Rakkam A Sangma haba iakren bad ki nongthoh khubor.
“Kila kyrpad ban pynkhreh ia ki Centre eksam ha ki Iingskul ka Shillong, Jowai bad Tura” ula ong.
Ula ong ba ka NTA kan sa rai halor ka jingbuh ia ki Centre ka ban pynshong nongrim kat kum ka jingdon ki samla pule, ki ban iakhun ia ka eksam.
“Kane ka dei kaba pynlong pura da ka NTA bad ka Sorkar Jylla kam don eiei ban leh hynrei tang ban shu ai ka jingiatreilang bad ka NTA” ula bynrap.
