Shillong, Nohprah 03: U National President ka National People’s Party (NPP) Conrad K Sangma u badei ruh u Myntri Rangbah ka jylla hynne ka sngi saitjain u la pynbna ba u Lamphang barim ka Jylla A. T Mondal un dei u kyrtong ka NPP ban iakhun napoh ka Phulbari konstitwensi haka ilekshon 2023.
Shri A T Mondal brings with him years of experience as a leader of the plain belt areas and is determined to bring more development to Phulbari Constituency together with the NPP. May he continue to work tirelessly for the people. pic.twitter.com/kEvnJReCu0
— Conrad Sangma (@SangmaConrad) December 3, 2022
Ia kane u Conrad u la pynbna ha ba pdiang burom ia u A. T Mondal shaka NPP haka jingialang ka ba la pynlong ha nongbah Shillong.
Haba kren ha kane ka sngi, u Conrad u la ong ba u A. T Mondal udei u briew ba paw bha ha baroh kawei ka jylla Meghalaya khamtam hapoh ka thain ri thor ka Garo Hills.
U Conrad u la ong ba u Mondal naduh mynshwa haduh mynta udei u briew ba iajan bha bad ki paidbah bad udei u briew ba kloi ban iatreilang ban kyntiew iaka bha ka miat ki paidbah.
“Ki paidbah ki ialap ba naduh ki por ba u bat kyrdan kum u Lamphang ka ing dorbar bad myntri sorkar u kloi bha ban iarap iaki paidbah khamtam iaki ba duk ba rangli bad dei namar kane ka NPP ka sngew donbok eh ban pdiang ia u A. T Mondal” la ong u Conrad.
U Conrad u la ong ba u A. T Mondal udei lypa u briew ba ithuh ithaw namar u ju iatreilang bad u kpa u P. A Sangma (Bam Kwai Dwar U Blei) haka por ba u dang don ha ka seng Congress.
U la ong ba kane ka jingwan iasoh u A. T Mondal shaka NPP kan wanrah ka jingkylla hapoh ka party khamtam ha ri thor Garo Hills bad ka jylla baroh kawei namar u Mondal udei u nongialam u ba lah ban khring iaki paidbah lyngba ki kam ba u trei naka bynta ka bha ka miat baroh.
