Shillong Iaiong 10: Ka Meghalaya Football Association (MFA) hynne ka Lah sngi u Blei kala pynbna ban pynlong iaka lympung ialehkai Football kaba la tip kum ka Meghalaya State League (MSL) naduh ka 5 tarik u Jymmang 2023.
Haba iakren bad ki nongthoh khubor u Treasurer jong ka MFA u Bah Wanshan Kharkrang ula ong ba ha katei ka lympung yn wan iashimbynta da ki Club kiba pawnam jongka ka jylla kiba dei ki dkhot jongka MFA bad kane kan dei ka sien kaba lai ban pynlong iaka MSL hadien 3 snem namar ha ki snem kiba la dep ym shim la ioh ban pynlong namar ka jingdon jongka khlam COVID-19 bad ha kine ki bnai kiba la leit ym shim la ioh ban pynlong anmar ka jingdon ka MLA Election haka jylla.
Ula ong, ia kane ka lympung yn pynlong ha ki 4 tylli ki jaka kata ha Shillong, Mawkyrwat, Jowai bad Tura bad kin don 25 tylli ki kynhun kiban iashimbynta ha kane ka lympung ialehkai football.
U Bah Kharkrang ula ong ki 25 tylli ki Club kiban iashimbynta ha ka MSL mynta u snem ki kynthup ia ka Mawlai Sports Cub (SSA), 7 Wasa United (WJDSA), Pyndengrei SCSC (NDSA), Chipakkore Footbal Club (DFAT), Jyntru (RBDSA ), Rymbai Iawpynsing SC (EJHDFA), Mawten SC (MDSA), Warima Youth Club (WDSA), Seng Samla Laitryngew (SSA- Sohra), Mulait United FC (SASA), Riangdo Youth Sports & Cultural Association (MSA).
Ka Wasa FC (RSA), Umkseh SC (TASA), Sein Pynbhalang SC (LBSA), Seven United Sports & Cultural Club (PDSA), Atong Matrik FC (BDFA), Langsning SC (SSA), Rangdajied FC (SSA), Lumdiengngan SC (EBSA), Khliehmawlieh YC (NDSA via Playoff), Umrit SC (WRBSA), Ladthadlaboh SC (WJDSA), Shillong Lajong FC (SSA), Selsella Sports Association (DSAT) bad ka Youth Club Pdengkarong (ASSA).
U Bah Kharkrang ula ong, ha ka Semi Final ka jingiakhun kan long ha ki arwat kata ka Home bad Away bad ia ka Final yn pynlong ha Shillong.
U la ong ki Association kiba la pyndep iaka League kin ioh iaka Subsidy naka sorkar jylla kata mar T.2 Lak katba ki Club kiba la iashimbynta ha ki League kin ioh mar T.1 Lak katba ka kynhun kaba jop iaka MSL kan ioh T. 5 Lak bad ka kynhun kaba wan baar kan ioh iaka T.3 Lak kum ka khusnam.
