Pynbna ka MFA ban pynkup burom ia ki khlur ialehkai phutbol barim ka Jylla

Shillong, Nohprah 19: Ka Meghalaya Football Association (MFA) ha ka sien ba nyngkong ka pyntip ba kan pynkup burom ia la ki khlur ialehkai barim bad ba la shongthait, ki coach bad kumjuh ia ki referee, kiba lyngba jong ki, ki la lah ba kin iai bteng ban rah sha ki kliar lum jong ka nam ia kane ka jingialehkai.

Kane ka jingpynkup burom ia kine baroh, kan long da ka jingialang kaba la buh ban long ha ka miet lah sngi u Blei ka taiew kaban wan, kaban long ha State Convention Centre naduh ka por 6 baje janmiet.

Ha kane ka kynti kumba 40 ngut ki nongialehkai ba pawkhmat kynthei bad shynrang, yn pynkup burom ia ki da ka MFA, kum shi bynta ban pyrto ia ka jinglen lade bad aiti met bad mynsiem ka jong ki ban kyntiew ia ka jingialehkai phutbol hangne hapoh ka jylla.

Kane ka jingpynkup burom ka long ruh ba ka MFA ka kwah ba kan pynpaw bad ai mynsiem lem ia ka pateng kaba mynta

Ki kyrteng  kiba ka MFA kan pynkup burom ha kane ja janmiet ba kyrpang ki (L) Fullmoon Pyrtuh, Pele Lyngdoh, Wiwon Kurbah, Weilad Passah, Rocus Lamare, Marlangki Suting, Eugeneson Lyngdoh, Aiborlang Khongjee, Lekini Suting, Ailad Kharngapkynta, Poibiang Pohshna, Bevan Marbaniang, Larry Diengdoh, Samuel Shadap, (L) John Shadap, Berland Syngkon, Romeo Suklein, Chanmitre Thma, Kyntiew Shaphrang Kharluki, Enestar Malngiang, Shaiborlang Kharpan, Rupert Nongrum, Pynkhrawbok Kurbah, Aenam Graffenberg Jyrwa, Banlam Nongkynrih, Aiborlang Thangmaw, Ricky John Shabong, Lionel Daryl Rymmei, Halen Nongtdu, Samuel Lyngdoh Kynshi, Bonifilia Shullai, Alisha Lyngdoh, Fragrancy Riwan, Ribansi Jamu, Manbhakupar Malngiang, Banlamkupar Rynjah, Ribahunshisha Kharshiing, Ronney Wilson Kharbudon, Hering Shangpliang, Riiohlang Dhar