Shillong, April 14: Ka Mawjam Even Network hynne ka sngi kala pynbna ba kan ban pynlong iaka jingiakop rwai jingrwai Khasi iaka ba la kyrteng ‘Ka Rynsan’ ka ban sdang naduh 17 tarik haduh 21 tarik u bnai Jylliew 2023.
Haba kren sha ki lad pathai khubor u Founder bad Event Manager ka Mawjam Event u bah Edie Majaw ula iathuh ba ia ka Audition yn sa pynlong ha u Soso Tham Aduterium ha ka 17 bnai June 2023 bad ka jingiakop rwai phainal kan long ha ka 21 tarik bnai Jylliew hapoh ka Evening Cloud Police Bazar.
U bah Edie ula iathuh ba ka Mawjam Even Network kan ai ka khusnam da ka song pisa ba T.15 hajar sha kiba wan nyngkong, T.10 hajar na ka bynta ki ba Wan ba ar bad T.5 hajar na ka bynta ki ban wan ba lai ha ryngkat bad ki Momentos.
Ula kyntu bad ula ia wer ia ki samla ba don ka sap ka phong ba pher ba pher ba kin wan shim bynta ha kane ka jingiakop rwai jingrwai Khasi namar kane kadei ka rynsan naka bynta kito ki samla kiba donsap ban pyni iala ka sap ka phong kaba ki don.
Nalor kane u bah Edie ula pyntip ba kito ki ba kwah ban wan iashim bynta ha kane ka jingiakop ki hap ban siew ka T.500 na ka bynta ka bai Registration kata tang na ka bynta ka Solo bad ka duet.
