Shillong, Iaiong 19 : Ka Meghalaya Energy Corporation Limited (MeECL) kala pynbna ba kan pynlip bording haduh lai sngi lynter naduh ka 21 tarik haduh ka 23 tarik Iaiong ha baroh ki Shnong kiba hap ha West Khasi Hills bad Eastern West Khasi Hills District.
Ia kane la pynbna da u Rajib Datta, Executive Engineer ka MePDCL West Khasi Hills (D) Division, Nongstoin uba la pyntip ba ka jingpynlip ia ka bording kan sdang treikam naduh ka por 9 baje mynstep jong ka 21 tarik Iaiong.
Kat kum ka jingong jong u, kane ka jingpynlip bording ka dei namar ka jingpynkhuid ia ki Power Transformer.
U Datta ula ong ba ka 20 MVA Power Transformer ha ka 132 KV Grid Sub Station kaba don ha Nongpyndeng kan nym treikam satia naduh ka 21 tarik por 9 baje mynstep.
