Shillong, Iaiong 23: Ka Meghalaya Cricket Association (MCA) hynne ka sngi Balang, ka la pynbna ïa ka kynhun ïalehkai ba 15 ngut jong ka Jylla ki ban iakhun haka NECDC Senior Men’s Interstate Friendship Tournament 2025.
Kane ka NECDC Senior Men’s Interstate Friendship Tournament 2025 kaba lai kan long ha u bnai ban wan hapoh ka Jylla Nagaland.
Ia kane ka jingialehkai yn pynlong da ka Nagaland Cricket Association hapoh ka jingpeit jong ka North East Cricket Development Council bad kane ka jingthmu ka long ban iarap ban pynkhreh ia ki Jylla na ka bynta ka samoi ialehkai BCCI 2025-2026 kaban sa wan.
Ka Meghalaya ka la ioh rung ha ka Group B ryngkat bad ki kynhun ba dang iai bteng ban bat ia ka nam lahduh kata ka Nagaland bad ka Sikkim.
Ka Group A ka kynthup ïa ka Jylla Manipur, Arunachal Pradesh bad Mizoram ha kaba ki 2 tylli ki kynhun kiba wan hakhmat eh na kawei ka Group kin rung sha ka semifinal.
Ka Meghalaya kan ïakhun pyrshah ïa ka Nagaland ha ka 5 tarik Jymmang bad nangta kan ïakhun pyrshah ïa ka Sikkim ha ka sngi kaba bud. Ka semifinal kan long ha ka 8 tarik Jymmang bad ka phainal kan long ha ka 10 tarik Jymmang.
Ka MCA senior men selection committee ka la jied ïa 15 ngut bad ka la buh sa 5 ngut ki nongïalehkai kiba dang hap ap bad u Moisten Ch Marak u la shah jied kum u head coach.
Ki kynhun ïalehkai jong ka Meghalaya ki long Arpit Bhatewara (WK), Kishan Lyngdoh, Swastic Chettri, Lerry G Sangma, Jaskirat Singh Sachdeva, Akash Kumar Chaudhary, Abhishek Kumar, Aryan Borah, Himan C Phukan, Swarajeet Das, Bamanbha Shangpliang, Ram Gurung, Dippu Sangma, Arien Bonchang Sangma (WK).
Ki player kiba dang hap ap ki kynthup ia u Yogesh Tiwari, Md Nafees Siddique, Riboklang Hynniewta, Pankaj Mandal, Robert Sangma.
Ki Support Staff ki kynthup, unMoisten Ch Marak (head coach), Shiva R Sangma (assistant coach), Surojit Biswas (physio), Vikash Singh Chauhan (trainer), Banteibor Lyngdoh (manager).
 hynne ka sngi Balang, ka la pynbna ïa ka kynhun ïalehkai ba 15 ngut jong ka Jylla ki ban iakhun haka NECDC Senior Men’s Interstate Friendship Tournament 2025.){kind=link}