Shillong, K’lyngkot 08 : Ka kynhun nongtem ba pawnam na German-ka Scorpion, kala pynbna ia ka jingwan phai biang jong ki ban kiew ha ki rynsan tem hangne ha India lyngba ka Tour ba ki khot ka Coming Home 2026 Tour, ka ba long ruh ka sien wan ba nyngkong ha India la jan arphew snem mynta.
Ha kane ka tour kaba la pynbeit bad ialap da ka BookMyShow Live, ka kynhun tem Scorpion kan tem ha ki saw tylli ki jaka Sor-ka Shillong ha ka 21 tarik Iaiong, ka Delhi ha ka 24 tarik Iaiong, Bengaluru ha ka 26 tarik Iaiong bad Mumbai ha ka 30 tarik Iaiong.
Ka jingdie ia ki ticket kan sdang da ki bynta bynta, ka ban sdang da ka Artist Pre-Sale ha ka 14 tarik Kyllalyngkot, bad yn pynbud da ka Kotak Mahindra Bank Credit Card pre-sale ha ka 15 tarik Kyllalyngkot. Ka jingdie ia ki ticket paidbah kan sdang naduh ka 17 tarik Kyllalyngkot, 2026 tang n aka BookMyShow.
Kane ka tour ka dei ka jinglehkmen ia ka jingdap sanphew snem ki jingrwai bad jingtem ka Scorpion. Iaka Concert ha Shillong la kyrshan da ka Meghalaya Tourism bad ka The Circle kum ka Event Partner.
