Tura, Nailur 18 : Ka Garo Hills Autonomous District Council (GHADC) kala pynkhreh ia baroh ki kam ba donkam ban pyllait noh ia ka tulop ba pynsahteng jong ki nongtrei, haba pynbna ba kan siew shuwa mynta ia ka tulop ba 10 bnai.
Kat kum ka jingbthah bala pynmih da u Secretary ka Executive Committee, ka GHADC kala kular ruh ba ia ka tulop jong ki bnai ba dang sah yn sa pynkhuid noh ha ki lai instalment kham kloi kat kaba lah. Naduh ka 1 tarik Naiwieng, yn sa siew beit noh man u bnai ia ka tulop.
Ula kyntu ruh ia ki nongtrei ba kin ia sdang trei biang noh mar dor iala ki jong ki kam ki jam.
Ha kajuh ka por, ka jingialang ba kongsan kala long ha ka sngi Palei ha Tura Circuit House hapdeng ki dkhot ka GHADC Sub Committee, MDC na ka liang Synshar bad Liang Pyrshah, ban iakren halor ka jingtyrwa jong ka Sorkar bad ka mat ba iadei bad ka jingsahkut ka tulop ba 44 bnai.
Ha kane ka sngi, ka Sub Committee kala iakynduh ruh ia ki kynhun Sengbhalang bad ki nongialam shnong ban lum ia ki jing ai jingmut halor ki sienjam ba donkam ban shim nangne shakhmat.
 kala pynkhreh ia baroh ki kam ba donkam ban pyllait noh ia ka tulop ba pynsahteng jong ki nongtrei, haba pynbna ba kan siew shuwa mynta ia ka tulop ba 10 bnai.){kind=link}