Shillong, Jymmang 11 : Ki Pulit ka East Jaintia Hills kila pynbna ban pynsangeh shipor ia ka jingiaid ki kali na surok National Highway-06 ha Dona Skur namar ka jingtwa khyndew ha ka thain.
Ha ka kyrwoh bala pynbna ha ki social media, ki bor Pulit kila pynthikna bala pynsangeh ia ka jingiaid kali namar ka jingpynkhuid ia ka khyndew kaba dang iaid shakhmat.
“Namar ka jingtwa khyndew ha NH-06 ha Dona Skur, baroh ki kali la pynsangeh shuwa ba kin iaid tad haduh ban da dep pynkhuid. La ai jingmut ia ki nongiaid nongieng ba kin iaid na kiwei pat ki lynti” ong ki Pulit.
