Imphal, Iaiong 20 : Ka Election Commission of India (ECI) kala pynbna ban ym khein shuh ia ka jingiathep vote bala pynlong ha ka 19 tarik Iaiong ha ki 11 tylli ki Polling Station ka Inner Manipur Parliamentary constituency.
Ka Commission kala pyntip ba kan pynlong biang ia ka jingiathep vote ha kine ki Polling Station ha ka 22 tarik Iaiong, bad ka jingiathep vote kan long naduh ka por 7 baje mynstep haduh 5 baje janmiet.
Kine ki Polling station ban thep vote biang ki dei ka Sajeb (A) Moirangkampu Sajeb Upper Primary School, Khurai Thongam Leikai S. Ibobi Primary School (East Wing), Bamon Kampu Upper Primary School (North-A), Pioneer Academy, Irilbung High School (North Wing), Irilbung High School (South Wing), National Children’s School, Iroisemba Upper Primary School (Eastern Wing), Iroisemba Upper Primary School (Western Wing), Iroisemba Upper Primary School (Middle Wing), Khaidem Primary School (Southern Wing)
U Chief Electoral Officer ka Manipur Pradeep Kumar Jha, ula kyntu ia ki nongthep vote jong kine ki Polling Station ban iamih paidbah ha kaban pyndep iala ka hok ban jied iala ki nongmihkhmat.
