Shillong, Naiwieng 27: Ka Deputy Commissioner (DC) East Khasi Hills kala pynmih ia ka jingpynbna paidbah ba yn khang ia ka surok na Lad 5 Mer shaduh Air Force Station Gate, Shillong Peak naduh ka 29 tarik Naiwieng haduh 1 tarik Nohprah.
Kane ka jingkhang iaka surok kan treikam naduh ka por 10 baje mynmiet haduh ka por 6 baje mynstep.
Kane kadei namar ba kan don ka jingpyntrei iaka bynta jong ka surok Shillong-Dawki.
Yn shah tang ia ki kali ba donkam kyrkieh bad iaki kali ba la ioh bor ban iaid ha ka por ba khang iaka surok.
Ka Company ba pyntrei iaka surok kan pynbiang ki lad jingiada kynthup ki Signage bad ki jingker ba donkam ha bynta jong ka surok.
“Ngi kyrpad ia baroh ki nongleit nongwan ban iatreilang bad ki bor pyniaid kali” la ong ka jingpynbna.
 East Khasi Hills kala pynmih ia ka jingpynbna paidbah ba yn khang ia ka surok na Lad 5 Mer shaduh Air Force Station Gate, Shillong Peak naduh ka 29 tarik Naiwieng haduh 1 tarik Nohprah.){kind=link}