spot_img

Pynbna ka BJP ban wan ialap elekshon u Narendra Modi da ka Road Show ha Shillong

Date:

Share post:

Shillong, Rymphang 22: U Myntri Rangbahduh ka ri India u Narendra Modi un iashim bynta haka Road Show haka 24 tarik mynta kum shi bynta ban ialap elekshon iaki kyrtong ka Bharatiya Janata Party (BJP)-Meghalaya ki ban iakhun ha kane ka elekshon ka ban long haka 24 tarik mynta u bnai.

Haba kren sha ki lad pathai khubor, u President ka Meghalaya BJP Bah Ernest Mawrie u la iathuh ba Modi un wan daka Helicopter lyngba ka Kad Helicopter Upper Shillong haka por 11 baje bad daka kali un wan sha Jhalupara bad nangto un wan sha State Central Library.
U bah Ernest ula iathuh ba u Modi un wan buh syntiew ruh ha u Mot U Tirot Sing u ba don ha phyllaw State Central Library bad hadien kane un shim bynta haka Road Show shaduh Khyndai Lad ban ai jingkren sha ki paidbah.

“Ka Road Show kan sdang haka por 11:30 mynstep naduh State Central Library shaduh Khyndai Lad bad hangne un ai ka jingkren bad hadien ka jingkren un sa leit phai pat lyngba ka Helicopter ka ba ap lypa ha Upper Shillong” la ong u bah Ernest.

U bah Ernest ula iathuh ba ka daw ban pynlong iaka prokram haka por mynstep kadei namar u myntri rangbahduh u Narendra Modi um kwah ba ka jingialang kan ktah ia ka leit ka wan jong u paidbah khamtam ki khynnah skul.

Ula ong ba iaka jingialang u myntri rangbahduh la pynlong ha Khyndai Lad na mar kadei ka jaka ba pdeng jong ka nongbah Shillong haka ba ki paidbah na ki konstitwensi bapher bapher kum na East Shillong, West Shillong, North Shillong, South Shillong bad na Nongthymmai ki lah ban wan sngap iaka jingkren u Modi.

“Kane kadei ka sien kaba nyngkong hapoh ka jylla Meghalaya ba u myntri rangbahduh ka Ri u Narendra Modi, un wan shim bynta haka Road Show bad nga kyntu ia ki paidbah khamtam kiba don ha nongbah Shillong ba kin wan ban iashim bynta ban sngap ia ka jingkren jong u myntri rangbahduh ka Ri u Narendra Modi” la ong u bah Ernest.

Share post:

spot_img
spot_img

Popular

More like this
Related

Kurup ka ED ia ki nongkynti ba kot T20.28 klur ha ka jyrsieh ai degree thok ka CMJ University

Shillong, Naitung 21 : Ka Directorate of Enforcement (ED),...

Bthah u Myntri ia ka tnad C&RD ban pyntrei ia ka Minimum Wage ha baroh ka Jylla

Shillong, Naitung 21 : U Myntri ka Tnad Community...

Hukum ka Iingkashari iaka Sorkar | Wat pynduh ia ki lad jingmyntoi ia ki briew bym don Aadhaar

Shillong, Naitung 21 : Ka Iingkashari Meghalaya High Court...

Ther u Myntri ia u CM barim | Mang na ka skhim MLA ban phah maramot ia ki Iingskul bala jot

Shillong Naitung 21: U Myntri ka Pule Puthi Rakkam...